Con motivo da celebración do día internacional do Turismo, a Área de Cultura e Turismo do Concello de Alfoz fai públicos os datos relativos ás actividades de promoción e información turística levadas a cabo nos últimos meses. Os datos foron presentados o pasado fin de semana no hotel rural Casa Franco de Alfoz, nunha reunión na que participaron Ana Pena Rouco e Noelia Anaí Coto Doval, responsables da Oficina de Turismo, o zoqueiro local Alberto Geada, e o Tenente Alcalde, Xabier Pardiñas, responsable da Área de Cultura e Turismo do Concello de Alfoz. A intención da reunión foi facer un repaso das actividades levadas a cabo durante os pasados meses, así como do número e a procedencia dos visitantes recibidos ao longo de todo o verán 2016, no Castelo Castrodouro.
Desde o pasado 19 de marzo, o Concello de Alfoz reabriu as dependencias do Castelo do Castrodouro durante os fins de semana e festivos, ampliando este horario durante os meses de xullo e agosto, período no que permaneceu aberto de luns a domingo. Nas instalacións do castelo está aberta a Oficina de Información Turística, que está preto de recibir o visitante 5.000, sendo os meses de maior afluencia os de xullo e agosto, meses con maior actividade no castelo e cando mais turistas visitan as terras de A Mariña, aumentando nun 22 % o número de visitas respecto ao ano anterior.
No mes de xullo a afluencia de visitantes ascendeu a 1031 persoas. Segundo a procedencia, as máis numerosas foron de Galicia (405), Asturias (249) e Madrid (190); e séguenlles en cifras parecidas outras comunidades autónomas como Cataluña (37), País Vasco (36), Andalucía (34), Castela e León (28), entre outras. As comunidades menos presentes foron Murcia (2), Ceuta e Melilla (2), ou Navarra (4). En canto a turistas de outras partes do mundo, viñeron un total de 28 persoas; con procedencia variada: Alemaña, Arxentina, Austria, Francia, EEUU, Perú e Suíza.
Aínda que a cifra total ascende a 1031 visitas, débese ter en conta a celebración do XVIII Mercado Medieval, levado a cabo o venres 15 e o sábado 16 de xullo, días de portas abertas do Castelo de Castrodouro, polo que non existe rexistro de visitantes, e que foron, sen dúbida, o días de maior afluencia de toda a época estival.
Respecto ao mes de agosto, foi o mes con máis visitantes rexistrados, sumando un total de 1731 persoas. Seguindo o mesmo patrón de procedencias que no mes anterior, Galicia foi a comunidade máis presente con 775 visitantes, seguida de Madrid (487), Cataluña (95), Asturias (67), Castela e León (62), País Vasco (61) e Andalucía (44). As menos frecuentes, foron comunidades como Illas Canarias (2), A Rioxa (3), ou Navarra (6).
Neste caso, o número de turistas internacionais foi de 26, e as procedencias diferentes ás do mes anterior: Corea, Francia, Holanda, Israel, Italia, Líbano, e Noruega.
Aparte da recepción e información de visitantes no castelo, a marca Alfoz estivo presente en diferentes lugares como a Cidade da Cultura de Santiago, Vigo, Celanova, O Cebreiro, Castroverde, O Valadouro, Burela, Viveiro, Arenas de Cabrales, Potes, Riaño, Santillana del Mar, Madrid, Nantes e Kermorvan, entre outras, a través do convenio de esponsorización asinado con Alberto Geada.
Actualmente, o Concello de Alfoz está a desenrolar unha aplicación informática para dispositivos móbiles, destinada á información e localización dos recursos turísticos de Alfoz. Esta aplicación xeolocaliza aos usuarios en tempo real o que lle permite situar a súa posición sobre os puntos de interese máis próximos. A aplicación vai acompañada dun acceso directo desde a páxina do concello que permite o coñecemento dos recursos e servizos que se ofrecen antes de realizar a visita (que visitar, onde comer, onde aloxarse…). Ademais desta aplicación, tamén se colocará un directorio de recursos e indicadores para a sinalización do castelo en diferentes estradas de acceso a Alfoz.
De cara ao vindeiro ano, estase a deseñar un novo folleto de información turística e, debido á boa acollida que está tendo a figura de Sargadelos da torre do Castelo do Castrodouro, estudaranse novos produtos para a promoción turística do Concello de Alfoz.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
