Burela, 12 de setembro de 2016. Burela acollerá do 16 ao 22 de setembro un amplo programa de actividades dentro da Semana Europea da Mobilidade, que este ano se celebra baixo o lema de Mobilidade intelixente. Economía forte. O evento foi presentado esta mañá no Concello con asistencia do alcalde, Alfredo Llano, a concelleira de Medio Ambiente, Noelia Mª Ben, e representantes das firmas colaboradoras. O vindeiro domingo, día 18, estará pechada ao tráfico a rúa Pardo Bazán, entre Curros Enríquez e Eijo Garay. Nese espazo haberá infinidade de propostas para todos os públicos.
A edil socialista dixo que “ninguén pon en dúbida que as cidades e vilas, no último século, foron deseñadas para facilitar o uso do vehículo privado, pero o uso excesivo do coche trouxo consigo unha serie de problemas: conxestión do tráfico, contaminación, altos niveis de ruído, asociado a unha baixa calidade de vida e elevados efectos nocivos sobre a saúde”.
Noelia Mª Ben subliñou que “a Semana Europea da Mobilidade fai fincapé nestes aspectos e quere facernos considerar o modo no que plantexamos os nosos desprazamentos. Este ano baixo o lema Mobilidade Intelixente. Economía Forte, quere destacar o impacto positivo que unha mobilidade intelixente pode ter sobre a economía. Os beneficios económicos da mobilidade intelixente e sostible afectan tanto ás persoas como ás empresas e á sociedade no seu conxunto. Ademais do importante aforro económico dunha mobilidade sostible e intelixente, o resto dos beneficios xerados tanto sobre o medio ambiente como sobre a saúde tradúcense tamén nun aforro moi elevado nos recursos dedicados a paliar os efectos causados polo abuso do vehículo privado”.
Este ano, ata o día de hoxe, na SEM 2016 hai 1.809 Concellos participantes, dos que 370 son españois e só dous deles de Galicia, que son os de Vigo e Burela. A concelleira de Medio Ambiente e o alcalde lembraron que “o Concello de Burela leva apostando pola mobilidade sostible e participando na SEM cunha semana repreta de actividades dende o 2007, sendo este ano a súa décima edición. De feito este ano fixemos un esforzo para poder ir máis alá e temos dúas novidades moi importantes: un curso sobre condución eficiente, co que todos os participantes comprobarán os beneficios de conducir un vehículo híbrido. E ademais aprenderán a conducir dun xeito eficiente, reducindo o gasto de combustible e o desgaste do vehículo. E a outra novidade é que mercamos un circuíto móbil de educación vial, que estrearemos nesta SEM, e que nos permitirá facer máis fincapé na importancia da seguridade vial, e que se usará para fomentar a educación vial no noso concello non só na SEM senón ao longo de todo o ano”.
O programa de actividades desenvolverase do 16 ao 22 de setembro e inclúe circuíto de educación vial e de karts, talleres de cociña para os máis pequen@s, cursos de condución eficiente, talleres de pintacaras e globoflexia, exhibicións de ximnasia rítmica e de baile de salón, talleres como A túa bici a punto ou Xoguetes con materiais da natureza, xogos de auga, xogos populares, mesas informativas, hinchables, actuacións musicais e charlas.
O domingo, 18 de setembro, de 9 da mañá a 22:00 horas permanecerá pechada ao tráfico a rúa Pardo Bazán entre as interseccións das rúas Curros Enríquez e Eijo Garay, e nese espazo levaranse adiante moitas actividades para todos os públicos.
Llano e Ben agradecen “a todos os colaboradores e asistentes a súa participación na SEM 2016 e convidamos a todos os bureleses a gozar activamente dela”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
