Comezo do “taller de costura adaptada” da asociación de axuda ó enfermo mental a mariña

Burela 5-9-16. Este martes, seis de setembro, dará comezo a acción formativa:“ Taller de costura adaptada”.

Está actuación enmárcase dentro do Programa Operativo do FSE Galicia 2014-2020, no seu obxectivo 9 “ Promover a Inclusión social e loitar contra a pobreza e calquera forma de discriminación”.
A presentación, que terá lugar ás 10:00 horas, será realizada nas novas instalacións do Centro de Rehabilitación Psicosocial e Laboral de Burela (Rúa da estación nº 11) pola Directora Técnica Xeral da Asociación de Axuda ó Enfermo Mental “A Mariña”, Dona. Mª José Nóvoa, quen destacará como obxetivo xeral a mellora da empregabilidade das persoas con enfermidade mental crónica, en grave risco de exclusión social.

Ó mesmo tempo, tamén explicitará os obxetivos específicos a conquerir con esta acción formativa como son: adquisición de habilidades sociais, mellora de hábitos prelaborais como a puntualidade, compromiso, orden e limpeza…. Sen esquecernos da parte máis importante: a adquisición de formación básica e de tipo laboral específica, adaptada ás súas necesidades. Esta acción formativa contribúe significativamente á inclusión social das persoas con enfermidade mental, dotándoas de novos coñecementos que facilitan a súa integración social e o avance na súa integración laboral, desterrando prexuízos fortemente arraigados na sociedade que nos rodea.

Nesta primeira xornada, ademáis de explicar o contido e obxetivos da acción formativa, os monitores encargados de desenvolver a mesma comezaron por avaliar os coñecementos previos dos participantes e as súas necesidades e expectativas, en relación á formación que van a recibir nos próximos meses.
Esta acción formativa abarcará dende o 6 de setembro de 2016 ata o 31 de xaneiro do próximo ano.