O Tribunal de Xustiza da UE segue marcando datas no almanaque xudicial patrio e, o que todavía reviste máis importancia, continúa sinalando a pauta no que á lexislación española se refire. E dita circunstancia non é baladí, senón que determina a incapacidade do noso lexislador de adaptarse ao marco de convivencia supranacional do club europeo.
O pasado martes día 20 a máxima institución xudicial europea determinou como contrario a dereito o criterio indemnizatorio español en relación cos despedimentos derivados de contratos de traballo por interinidade ou temporais.
O conflito xurdiu en torno á reclamación dunha empregada do Ministerio de Defensa, Ana de Diego Porras, que motivaba a súa causa no inxustificado tratamento indemnizatorio que recibía como consecuencia da súa condición de interina.
Na normativa laboral do noso país contemplase unha indemnización que vai de 8 a 12 días de salario por ano traballado no caso de traballadores interinos ou con contratos temporais, e fíxase unha de 20 días no suposto de despedimento por causas obxectivas.
Non entendendo o porqué de dita circunstancia a traballadora en cuestión decidiu poñer a súa petición nas mans da xustiza, e o alto Tribunal Europeo foi claro ó respecto: “O mero feito de que este traballador prestara os seus servizos en virtude dun contrato de interinidade non pode consituir razón obxectiva que permita xustificar a negativa a que o mesmo teña dereito á mencionada indemnización.”
Coido que o máis importante nestes casos non é tanto a solución final senón as circunstancias que anteceden e preceden:
Si empezamos polo final, o que agora se aveciña é un aluvión de accións xudiciais de cantidade de traballadores nun marco laboral onde a temporalidade cada vez ten máis presenza.
Cumpre unha reflexión seria sofre a ineficiencia do lexislador español: nun contexto de “diarrea lexislativa” absoluta, onde se están aprobando leis a cotío a golpe de real decreto, resulta sumamente difícil manter unha coherencia de fondo, harmonizar o contido das diferentes normas que integran o noso ordenamento xurídico.
Finalmente, se analizamos a cuestión dende unha perspectiva política, certo é que forma parte da potestade dos nosos representates o lexislar dun xeito ou outro –establecer políticas laborais que fagan máis ríxido ou flexible o mercado laboral -, pero a veces da a impresión de que, a forza de imprimir leis sen parar, nin sequera son capaces de dar algo de coherencia ó conxunto das mesmas. Mal presaxio pois.
Lembrándome daquela escena na que Humpfrey Bogart se despide no aeródromo de Casablanca de Ingrid Bergman, con aquela frase que xa é parte do imaxinario colectivo: “sempre nos quedará París”, neste caso, e no que a despedimentos laborais se refire, podemos concluír que sempre nos quedará Luxemburgo.
Pablo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
