O apelido Medici refire a unha insigne familia renacentista coñecida pola súa labor de mecenazgo e patrocinio; a súa aportación filantrópica foi vital para entender a carreira de Botticelli, Donatello ou Leonardo da Vinci; a eles lles debemos a esponsorización da galería dos Uffizi, a construción do Palacio Pitti ou a obra magna de Brunelleschi, a cúpula da igrexa de Santa María de Fiore.
Contan que tan reputada saga, outrora de modesto orixe, adquiriu de xeito paulatino poder e presencia a través da actividade bancaria, constituíndo a Banca Medici un dos bancos máis prósperos e respectados en Europa.
Tamén de orixe italiano, os montes de piedade ou “montepíos” eran entidades benéficas onde os pobres podían acadar sumas en metálico empeñando as súas pertenzas, sendo o primeiro “montepío” español o de Madrid, fundado no ano 1702, que sería o xerme das caixas de aforros.
Na nosa terra tamén houbo “montepíos”, as caixas de aforros foron institucións herdeiras de dita tradición e abriron durante décadas a billa do crédito barato ás familias máis humildes que non poderían financiarse a través do formulas bancarias tradicionais.
O culmen da banca pública galega foi a confluencia das caixas de aforros de Lugo e A Coruña baixo a nominación de Caixagalicia. Foron anos de consolidación e brilo desta icónica institución.
O que veu logo, a partir do ano 2010, previa fusión e posterior venda e liquidación, son feitos sobradamente coñecidos por todos.
Pero quixera reparar nos nosos filántropos autóctonos, no mecenazgo galego; aí veñen representadas e perfectamente traídas a colación as figuras de José Luis Méndez e Julio Fernández Gayoso. Estes bos samaritanos que gozaban do máis alto recoñecemento e consideración social decidiron non reparar, e recoñecerse a eles mesmos unha indemnización á altura da súa xestión.
Esta mesma semana temos noticia do pronunciamento último do Tribunal Supremo en relación coas penas impostas ós 5 directivos de Abanca polos tipos penais de administración desleal en concurso de leis e apropiación indebida.
A máis alta instancia xudicial non só ratifica as condenas de prisión impostas pola Audiencia Nacional senón que considera que as penas aplicadas son “exiguas dende a perspectiva da gravidade das condutas.”
O que ven a concluír o alto tribunal é a existencia de “inequívocos actos apropiatorios con fines de lucro persoal”, é dicir, que “fanaron” todo o que puideron e que a pena imposta é ridícula en canto á cuantía, non podendo ser revisada por cuestións procuesuais.
Finalmente non quixera deixar de lado a oportunidade de tocar o debate electoral que tivo lugar o pasado luns 12, pero non, neste caso, para valorar ós candidatos, senón para rescatar unha cuestión que non gustaría de pasar por alto: que o Banco de España veu a recoñecer, tamén nestas mesmas datas, que coa venda de NovaCaixaGalicia se perderon 8.000 millóns de euros do rescate polo camiño. Non se nos fora esquecer, por insignificante, dita circunstancia.
Gusto de resaltar este feito para ponderar a xusta gratitude que debemos a mecenas e dirixentes. Longa vida.
Pablo Álvarez Ramos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
