O 12 de setembro actual, no marco do protocolo de coordinación de actuacións operativas entre o D.A.V.A. e a Garda Civil, lévase a cabo en augas de Lugo, na zona do porto comercial de Viveiro-Celeiro, un rechamante exercicio aeronaval conxunto de actuación contra o narcotráfico no que participan funcionarios do Servizo de Vixilancia Aduaneira, membros pertencentes ao Servizo Marítimo Provincial da garda Civil de Lugo e a Unidade de Helicópteros da Garda Civil con base na provincia da Coruña.
O simulacro consiste no avistamento por parte dos medios aéreos da Garda Civil de estrañas manobras dunha embarcación próxima á costa, fronte ao porto comercial de Viveiro, que se atoparía tratando de entregar un alixo de droga. O helicóptero alerta a través do Centro Operativo de Servizos da Comandancia da Garda Civil de Lugo aos efectivos marítimos da Garda Civil e Servizo de Vixilancia Aduaneira que inician a persecución da embarcación sospeitosa.
Trala interceptación, de forma conxunta e coordinada por parte dos medios intervintes, o exercicio finaliza coa detención dos supostos ocupantes da embarcación que pretendía fuxir.
No simulacro participan o patrulleiro de altura do Servizo de Vixilancia Aduaneira ALCARAVAN II e unha embarcación auxiliar, o patrulleiro do Servizo Marítimo Provincial da Garda Civil de Lugo GC-M13 e unha semirríxida GC-0906, así como un helicóptero da Garda Civil e ao redor dunha trintena de efectivos en total que interveñen directamente ou prestan apoio durante o exercicio.
Con carácter previo e trala execución do exercicio, levásense a cabo senllas reunións de coordinación, tanto para preparas as manobras como para valorar posteriormente o seu desenvolvemento, nas que se pon de manifesto o bo facer profesional, o magnífico clima de entendemento e a colaboración entre integrantes de ambos Corpos.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
