Lugo, 5 de setembro de 2016.- O cabeza de lista dos populares lucenses, Francisco Conde, destacou esta mañá que o proxecto que lidera o PPdeG en apoio dos empresarios, autónomos e emprendedores lucenses consolidará a creación de novos postos de traballo na provincia. Conde participou nun almorzo informativo organizado para este colectivo e no que tamén tivo oportunidade para coñecer máis de preto as necesidades e retos do tecido empresarial.
Francisco Conde explicou que traballarán para fortalecer os apoios no ámbito da innovación e do emprendemento e nos sectores máis dinámicos da comarca como poden ser o forestal, o agroalimentario ou o aeronáutico, este último a través de iniciativas como o polo tecnolóxico e industrial de avións non tripulados, que pivota ao redor do aeródromo de Rozas.
Entre outras cuestións e como resposta ás preguntas formuladas polos asistentes Francisco Conde asegurou que seguirán traballando para eliminar trabas burocráticas e simplificar os trámites aos que teñen que facer fronte os profesionais no exercicio da súa actividade e lembrou que a Xunta puxo en marcha a Oficina Doing Business. Esta oficina é unha canle directa con cidadáns e empresas co obxectivo de axudar a suprimir barreiras e impulsar a posta en marcha de proxectos, facilitando a creación de empresas e os seus investimentos na comunidade autónoma mediante a redución das cargas administrativas.
En relación co programa, Francisco Conde destacou que o PP buscará consolidar a creación de emprego indefinido na comunidade, e como grandes motores da creación de emprego apostará polos sectores estratéxicos e emerxentes, ademais de por un apoio integral aos autónomos.
Neste senso, resaltou que o Partido Popular ten incluído no seu programa a posta en marcha dunha Estratexia do Emprego Autónomo, apoiando a creación e o mantemento de negocios, incentivando que contraten a persoas traballadoras, apoiando a conciliación laboral cunha tarifa cero en caso de maternidade e paternidade, activando programas de formación e capacitación gratuítos, facilitar o relevo xeracional e impulsar as formas de comercialización online, entre outras medidas.
Ademais do número un da candidatura popular ao Parlamento de Galicia o acto contou coa intervención da presidenta dos populares lucenses, Elena Candia.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
