Bruxelas, 09 setembro 2016. Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), ven de denunciar ante o Parlamento Europeo que tanto o Goberno da Xunta de Galiza como o do Estado español están a levar a cabo unhas políticas nada axeitadas en materia de prevención e extinción dos lumes forestais.
Despois de constatar que un verán máis os lumes están a queimar miles de hectáreas no noso país, Lídia Senra rexistrou unha pregunta por escrito dirixida á Comisión Europea (CE) na que denuncia que a lacra dos incendios que padecemos na Galiza todos os anos está favorecida por factores que teñen que ver cunha mala xestión das Administracións públicas. “A deixadez do Goberno galego é clave na proliferación dos lumes, xa que non é quen de desenvolver unha política contra incendios integral e efectiva”, afirma a eurodeputada de AGEe, para quen “a precariedade e os recortes que sofren os traballadores e traballadoras dos distintos corpos que loitan contra o lume” tamén é un elemento clave, ao igual que “a política agraria que baleira o medio rural e permite e promove a forestación de terras agrarias”.
Tendo en conta que a CE ten reiterado en numerosas ocasións que a través do Sistema Europeo de Información sobre Incendios Forestais (EFFIS, polas súas siglas en inglés) se promoven as mellores prácticas e se anima aos Estados membros da UE a establecer plans de prevención de incendios forestais, Lídia Senra pregúntalle á institución europea se está a realizar algún tipo de seguemento da aplicación destas recomendacións na Galiza e no Estado español e tamén lle pide que informe sobre se se están a cumprir ou non por parte das citadas Administracións. Igualmente, Senra chama á CE a reorientar a súa Política Agraria Común e a establecer un apoio claro ás pequenas e medianas explotacións para que se manteñan no territorio, xa que “ademais de producir alimentos son imprescindibles para evitar a propagación dos lumes”, defende a eurodeputada.
Agora a CE deberá pronunciarse sobre este tema e dar unha contestación por escrito, aclarando se Galiza e o Estado español cumpren ou non coas recomendacións europeas nestas materias. Esta non é a primeira vez que Lídia Senra leva ao Parlamento Europeo o tema dos incendios forestais na Galiza. A comezos do verán, a eurodeputada pedira tamén quenda de palabra no pleno da Eurocámara en Estrasburgo para denunciar a situación de precariedade na que se atopan as traballadoras e traballadores de extinción e a nefasta política de loita contra os lumes.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
