Mondoñedo 8 de setembro de 2016.- O Concello de Mondoñedo clausurará este venres o ciclo de cine ao aire libre ‘Victoriano López García’, que se levou a cabo este verán, cunha conferencia sobre a vida do cineasta.
Así o avanzou a alcaldesa, Elena Candia, quen precisou que o relatorio será impartido polo prestixioso catedrático da Universidade Complutense de Madrid Emilio C.García Fernández arredor das 20:30 horas no Centro Comarcal da localidade.
Candia salientou a boa acollida que tivo o ciclo de cine “cuxa última proxección será hoxe ás 22:00 horas coa emisión da película Los fenómenos na praza do Concello”.
A rexedora explicou que estas actividades se enmarcan dentro do programa de actos que o Concello está a levar a cabo na honra a este ilustre mindoniense que dedicou a meirande parte da súa vida ao mundo do cine, polo que recibiu o Galardón de Honra na IV edición dos premios Goya e foi profesor de destacados directores como Luis García Berlanga, José Luis Borau, Juan Antonio Bardem e Carlos Saura, entre outros”.
O ponente, Emilio C. García Fernández
Naceu en Ribadavia (Ourense) no 1953. Ademais dos estudos de Filosofía, Psicoloxía e Publicidade, doutorouse na Sección de Imaxe na Facultade de Ciencias da Información da Universidade Complutense de Madrid.
A súa traxectoria académica abarca máis de trinta anos nos que, ademais de asumir etapas de xestión, dedicouse fundamentalmente como Mestre Titular e agora como Catedrático a ensinar Historia do Cine e dos Medios de Comunicación Españois e Internacionais a numerosas promocións de alumnos.
Na súa actividade investigadora destacan os numerosos libros e artigos que escribiu nos máis variados soportes, as conferencias impartidas e un sen fin de actividades coas que divulgar o cine entre os máis novos.
Escribiu tamén numerosos artigos na prensa diaria e revistas especializadas. E dirixiu tamén varios proxectos e obras audiovisuais.
Títulos académicos
Catedrático da Universidade Complutense de Madrid.
Licenciado en Ciencias da Información. Sección de Imaxe. Universidade Complutense de Madrid. 8 de xuño de 1980.
Doutor en Ciencias da Información. Sección de Imaxe. Universidade Complutense de Madrid. 30 de xuño de 1983.
Licenciado en Publicidade. Universidade Autónoma de Barcelona. Setembro do 1994.
Certificado de Aptitude Pedagóxica. Universidade Complutense de Madrid.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
