A Mariña, 20 de setembro de 2016.Os candidatos do BNG por Lugo, Mario Outeiro e Montse Porteiro, visitaron as instalacións da cooperativa Os Irmandiños para coñecer as súas demandas e presentarlle ao Consello Reitor as principais liñas de actuación da formación nacionalista para as eleccións do 25 de setembro.
“O cooperativismo é o modelo a fomentar tamén entre as produtoras e produtores para poder transformar e xerar valor engadido dos nosos produtos”, afirmou Outeiro. “O BNG segue apostando por un verdadeiro grupo lácteo galego que permita pechar o círculo produtivo no noso País, creando riqueza e xerando unha saída para as produtoras e produtores que están sendo asfixiados polas políticas actuais”, explicou.
“A situación dos nosos gandeiros non permite perder o tempo nin facer experimentos. O goberno galego debe sentarse co sector e implicarse en mellorar a situación con compromisos reais e efectivos”, asegurou Montse Porteiro.
O BNG reiterou a súa aposta polo cooperativismo como unha fórmula social que permite reducir custes e aproveitar sinerxías e coñecemento entre a xente do sector. “Fronte a un goberno do PP que enterrou os cartos de todos nós nun invento como Alimentos Lácteos para darlle saída aos seus amigos, mentres os gandeiros quedaban sen cobrar; o BNG aposta por un medio rural no que agricultores e gandeiros se organicen e conten co apoio incondicional do goberno galego, como fixo o BNG cando tivo responsabilidades na Xunta ao tratar de que o potencial eólico tamén beneficiara ao sector agrogandeiro”, aseguraron.
Axudas públicas e control de prezos, traballo do goberno galego
Os candidatos 2 e 3 por Lugo aseguraron que o BNG aposta por aplicar selectivamente as axudas públicas aos investimentos na industria, concentrando o apoio naqueles proxectos que permitan desenvolver liñas novas e produtos de alto valor engadido, así́ como os promovidos por empresas que asinaren acordos interprofesionais.
Igualmente, no que respecta a transformación e comercialización agrarias, comprometéronse a impulsar un “sistema de fixación de prezos que resolva o problema da falta de transparencia e suavice as oscilacións e a venta a perdas que tanto prexudican aos nosos produtos”, concluíron.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
