Ribadeo, 12 de setembro de 2016. Rematadas as festas patronais o alcalde, Fernando Súarez, agradece o traballo feito pola comisión e anunciou este luns que o Concello reformulará o modelo de organización dos festexos de cara aos do vindeiro ano 2017.
Fernando Suárez manifesta que “despois do remate das festas da patroa xa podemos dicir que conclúe o verán en Ribadeo e toca facer balance. No que ten que ver concretamente coas festas da patroa eu quérolle agradecer o traballo feito aos rapaces e rapazas da comisión, especialmente á súa presidenta, porque moitas veces tórnase un labor ingrato e sufrido”.
O rexedor ribadense aclara que “aínda que o Concello non as organiza directamente, si que as patrocina economicamente en parte e ademais autoriza os espazos públicos, ten que regular os horarios, os ruídos, etcétera; e son terreos complexos onde nunca chove a gusto de todos. Moitas veces é necesario regular dunha maneira un pouco máis drástica e este ano tivemos que facelo con algo de máis de dureza en canto a horarios e ruídos”.
Suárez anuncia que “pensamos no goberno municipal que compre a partir de agora, para o 2017, reformula e revisar o modelo de festas da patroa. Este chegou ata aquí, tivo os seus problemas, os seus inconvenientes e as súas cousas positivas, pero penso que todo ten que evolucionar. Debemos falar con persoas e colectivos para reformular a organización das festas da patroa. Igual hai que pensar en facer menos días, en abrir as festas a máis segmentos de idade e debater tamén sobre a localización”.
O alcalde salienta que “hai que valorar o traballo que se fixo ata este momento, pero agora compre mirar para adiante e falar con todo o mundo para tratar de que as festas de Ribadeo para o ano que ven sexan agradables e atractivas e que tal vez deban ter novos elementos de cambio”.
Fernando Suárez está “convencido de que entre todos, falando e dialogando, habemos chegar a consensos para lograr o mellor para o noso pobo, que é do que se trata”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
