Cervo, 21 de setembro de 2016. O Concello de Cervo executa obras de mellora no saneamento de San Cibrao cun investimento de 54.000 euros de fondos municipais.
O alcalde, Alfonso Villares, explicou que “empezamos unhas obras no saneamento de San Cibrao. Trátase en concreto de traballos de reparación no emisario e tamén na estación de bombeo, que está situados na praia de Cubelas. Son unhas instalacións que están xa desde que foi construído o saneamento de San Ciprián, polo tanto falamos dunha infraestrutura de case 40 anos, pero que aínda está en funcionamento porque se trata dunha zona de aliviadoiro necesaria no caso de que o novo saneamento, que está situado no polígono de Cuíña, non puidera funcionar. Sempre ten que existir un aliviadoiro e trátase desta zona na que estamos a actuar agora mesmo. A inversión é importante, de 54.000 euros, e este diñeiro é financiado única e exclusivamente con fondos do Concello de Cervo”.
O rexedor municipal engadiu que “ao longo deste ano son moitos os fondos, ben sexan municipais ou a través doutras administracións, que estamos dispoñendo para os saneamentos, non soamente en San Cibrao senón tamén nas nosas zonas rurais. Eu creo que todo o mundo entende perfectamente que non todas as obras se poden facer ao mesmo tempo e pouco a pouco estamos a acometelas en función tamén de certas prioridades e necesidades. Agora mesmo o que toca nesta época do ano, unha vez que pasou o verán, é acometer esta obra de reparación do emisario de San Cibrao e tamén da estación de bombeo que está na zona de Cubelas”.
Alfonso Villares rematou comentando: “seguimos investindo en servizos fundamentais e básicos para os nosos veciños, como é o saneamento”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
