Cervo, 7 de setembro de 2016. O Concello de Cervo reabre a piscina olímpica de San Cibrao este vindeiro luns, día 12, e non cobrará aos socios da instalación os recibidos correspondentes ao mes de agosto e á primeira quincena deste mes de setembro.
O concelleiro de Deportes, José Ramón Soto, explicou que “o Concello de Cervo reabre a piscina olímpica de San Cibrao o próximo luns, 12 de setembro. Continuamos co horario habitual de 9 a 22 horas de luns a venres de forma continuada e os sábados de 10:00 a 14:00 horas e de 18:00 a 21:00 horas. Durante o mes de agosto mantívose pechada a zona de baño para realizar traballos de mantemento, pero permaneceu aberto o ximnasio. O Concello de Cervo non emitirá os recibos de socios correspondentes ao mes de agosto e a primeira quincena de setembro, aínda que puideron utilizar o ximnasio de forma habitual”.
José Ramón Soto engadiu que “os principais traballos de mantemento consistiron en baleirar os 2millóns de litros de auga que leva o vaso para proceder ao limpado e recintado tanto do fondo como das paredes así como da zona da praia, ademais de realizar acondicionamentos mecánicos de mantemento. O motivo de ter que pechar o vaso cerca de mes e medio débese a que o baleirado lévase a cabo durante tres días e o enchido necesita 20 días para que a auga estea en condicións óptimas e cumpra con todas as garantías e as esixencias sanitarias. Todas estas melloras realizadas na única piscina olímpica que temos na provincia de Lugo e que é xestionada de xeito público polo Concello de Cervo sen dúbida repercutirán nun mellor servizo para todos os usuarios, que cada ano aumentan considerablemente, pois na actualidade contamos con 800 socios”.
O edil de Deportes tamén comentou que “como ven sendo habitual impartiranse cursos de iniciación para bebés a partir de 0 anos; de iniciación e perfeccionamento para nenos e adultos; aquagim, que é ximnasia na auga; natación específica para recuperación de lesións; preparación para probas e salvamento; natación para embarazadas; e actividades lúdicas e saudables para os nenos”.
Soto rematou comentando que “desde o Concello de Cervo, como non pode ser doutro xeito, seguimos apostando forte polo deporte e o mantemento dos servizos públicos. As persoas interesadas en anotarse nas distintas actividades poden achegarse á piscina municipal para obter máis información ou chamar ao número de teléfono 982.59.45.12. Con todo isto pretendemos que os usuarios da piscina poidan rendibilizar máis, se cabe, as súas actividades acuáticas. Tamén queremos recordar a todas aquelas asociacións deportivas ou de outra índole da Mariña que, se o desexan, poden acudir ás nosas instalacións, contactando previamente coa información da piscina a través do número de teléfono da mesma”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
