A Pontenova, 7 de setembro de 2016.- O Grupo Municipal do Partido Popular da Pontenova desvela que o alcalde e actual presidente da Deputación de Lugo, Darío Campos, é tan mal xestor que recoñeceu ter intervido o seu propio Concello por incumprir a regra de gasto sobre o límite ao crecemento do gasto público que impón o Goberno do Estado ás administracións locais.
O voceiro dos populares, David Álvarez, explica que o plan que ten o alcalde é o de subir os valores catastrais, como aprobaron de xeito unilateral nunha xunta de goberno, para que a partir do ano 2017 todos os veciños e veciñas teñan que pagar a nefasta xestión do equipo de Goberno, máis en concreto do seu rexedor, Darío Campos. Polo anterior, presentarán un escrito para coñecer a situación real do Concello e poder saber qué supón que estea intervido ou se lle reclamaron presentar un plan económico e financeiro. “Queremos que nos dean as explicacións oportunas a nós e a todos os veciños e veciñas”, precisa.
Os populares pregúntanse tamén cómo o socialista pretende xestionar un presuposto de máis de 90 millóns de euros como o da Deputación de Lugo cando non é capaz de cadrar as contas nun Concello do tamaño da Pontenova, no que o Orzamento municipal ascende a 1,5 millóns de euros.
Unha decisión unilateral do PSOE
O equipo de Goberno tomou a decisión de subir os valores catastrais de xeito unilateral nunha xunta de goberno, pese á negativa do PP. De feito, os populares levaron unha moción ao último Pleno ordinario na que demandaron conxelar ou baixar o que os veciños pagan pola contribución e artellar bonificacións para determinados colectivos, como os gandeiros, pero os socialistas votaron en contra.
“Non só iso, explica David Álvarez, senón que foi nese momento cando soubemos que o Concello está intervido sen que nos tivera sido notificado e sen que se lle explique aos veciños e veciñas da Pontenova os efectos desta intervención”. E todo elo, engade, como consecuencia da obra faraónica do campo de fútbol financiada polo Concello e a Deputación de Lugo que inauguraron Darío Campos e Besteiro e que supuxo un gasto de 600.000 euros e un desequilibrio económico para o Concello.
Os populares lamentan que presumiran da súa mala xestión, no que consideran “a fotografía da vergoña”, mentres agora pretenden facer un rescate financeiro subindo os valores catastrais, de maneira que o terán que asumir todos os veciños e veciñas da Pontenova. “Deixaron unha hipoteca para os veciños e veciñas e agora pretenden que se pague a través da suba da contribución”, censura o voceiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
