Foz, 28 de outubro de 2016. O pleno da corporación municipal de Foz celebrado na tarde deste xoves aprobou unha rebaixa no recibo do imposto de bens inmobles (IBI) para o vindeiro ano. Nesta sesión tamén se adoptaron acordos para avanzar nos expedientes das obras da rúa Álvaro Cunqueiro e do novo xeriátrico.
O alcalde, Javier Jorge Castiñeira, salientou hoxe que “desde o goberno de Foz queremos facer unha valoración moi positiva do que foi o pleno do día de onte porque se sacaron adiante todos os asuntos propostos por este goberno e moitos deles moi importantes. O máis destacado é que se consensuou coa maioría dos grupos da oposición unha rebaixa do IBI, ou contribución, para o ano que vén. Facendo contas en xeral pode supoñer unha redución de entre un 8 e un 10 por cento aos recibos, posto que ademais de rebaixar o coeficiente do 0,6 ao 0,54 tamén haberá unha bonificación do 5 por cento para todos aqueles recibos que estean domiciliados”.
Javier Castiñeira explica que “estamos a falar dunha rebaixa importante de arredor de 180.000 euros que foi pactada con Foz Plataforma de Futuro e ao final o Partido Socialista tamén se sumou a ese pacto froito da boa relación que hai agora mesmo na corporación e das negociacións que se están levando a cabo. Como consecuencia disto o Concello para o ano que vén terá 180.000 euros menos con respecto ao 2016, que hai que ver de onde se van quitar, pero tamén é verdade que hai un compromiso cos grupos da oposición de cando elaboremos os orzamentos teñamos en conta estas circunstancias”.
O rexedor municipal de Foz remarca que “o Concello de Foz é un dos municipios da Mariña que máis baixa ten a contribución a pesar das subidas do valor catastral destes últimos anos. Con respecto a outros concellos de entidades parecidas de poboación e de extensión chega a haber unha diferenza de case un 50% máis nalgún concello veciño. Aínda sendo o recibo dos menores da Mariña para o ano que ven vai ser aínda un 8 por cento máis barato”.
Javier Castiñeira engade que “iso pode ter unha lectura boa para os veciños, pagar menos contribución, pero tamén ten unha lectura mala, pois ao final a disposición do Concello estamos a falar de 700.000 ou 800.000 euros menos nos orzamentos. Para ter mellores servizos ou para ter máis obras que outros concellos veciños, que tampouco non é a hora de nomealos, pero é moi fácil ir ao boletín oficial e ver os orzamentos dun pobo ou doutro e ver porqué teñen máis investimentos uns e outros, e iso non deixa de ser porque hai niveis impositivos máis altos”.
Ademais o alcalde asegura: “temos a auga e o servizo de recollida de lixo máis baratos da comarca e unha das contribucións máis baixas da comarca, que aínda vai baixar para este ano próximo. Quero dar a coñecer este feito, pero en todo caso coa satisfacción por chegar a un acordo, algo que sempre é motivo para estar contentos; e desde o goberno quero dicirlle á xente que sempre hai vontade para negociar. Sempre é mellor un acordo normal que un non acordo, como pasaba na lexislatura anterior”.
Sobre o pleno de onte Castiñeira tamén explicou que “ademais, entre outros asuntos, aprobouse o prego de solicitude dun crédito de 605.000 euros para avanzar na contratación da obra de remodelación da rúa Álvaro Cunqueiro, que se fai coa Deputación e con fondos do Concello. En próximos días pediranse ofertas a diferentes entidades bancarias para tratar de iniciar a licitación o antes posible”.
O rexedor engadiu que “no expediente do xeriátrico tamén se fixo un avance importante posto que o pleno aceptou o convenio co Consorcio Galego de Benestar para que este ceda tanto as instalacións do xeriátrico como o equipamento ao Concello de Foz e tratemos o antes posible de dar unha solución durante catro anos aproximadamente á xestión municipal do novo xeriátrico. Houbo polo tanto avances nestes dous asuntos moi importantes e a principios de ano 2017 veranse os seus resultados”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
