A Ribeira de Foz acudía a unha reunión na Coruña co director de Portos de Galicia; José Ignacio Villar García.
Nesta reunión solicitada polo colectivo de Foz o director de Portos explicaba a situación legal actual do proxecto de dragado e da ampliación de prazas de pantalán previsto en Foz.
“Agora sabemos que a obra proxectada vai por bo camiño, e a pesar de que tivo algún inconveniente tras a modificación recente da lexislación que regula este tipo de obras os trámites xa están case rematados e que proximamente se fará a licitación. Tamén nos comunicou que trataran o tema de modificar a tarifa X5, para intentar mitigar as diferencias actuais entre os usuarios de portos con problemas de calado”.
“Nós pedimos e explicamos a urxencia e importancia da ampliación de prazas de pantaláns pois a demanda está a ser moi alta e consideramos primordial para Foz dar cobertura a esa gran demanda que seguro vai ter unha significación moi relevante a nivel turístico para a nosa localidade”.
“Tamén explicamos que precisamos e cremos necesario un dragado das dúas dársenas e que vemos prioritario facer estes dragados en unhas condicións óptimas, xa que nas dársenas os dragados perduran mais de 20 anos, e que o canal de acceso os peiraos aínda que tamén sexa necesario o seu dragado deberíase ante facer algún tipo de obra para evitar o que veu producíndose tras os últimas actuacións, que foi que estes dragados resultaron ser ineficaces tras un corto período de tempo e o canal voltou a estar como estaba ou peor”.
“Presentamos algunha suxerencia o respecto da problemática do canal e tamén presentamos unha suxerencia para mellorar as condicións de abrigo do peirao de Porto Chico, peirao no que actualmente as embarcacións e pantalans perigan de rotura en épocas de mal tempo pois o mar traballa moito dentro do propio peirao, xa se produciu algún incidente no pasado”.
“A resposta ás nosas preguntas e suxerencias por parte do Sr.Villar foi o noso entender moi satisfactoria e cordial, nos emprazou como interlocutores a manter outra reunión co xefe de obras de portos para poder ver o proxecto final e saber fechas definitivas de execución. Os Socios de a A Ribeira De Foz agradecemos o Sr. Villar a sua atención e explicacións”.
“Pola nosa parte, seguiremos como o de agora traballando para mellorar algo os peiraos en Foz e proporcionar a náutica recreativa, sempre estaremos encantados e dispostos a prestar a colaboración que faga falta con Portos de Galicia”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
