A Deputada de Cultura, Artesanía e Deseño, Pilar García Porto, presentou este luns no salón de actos do organismo provincial o Coloquio Internacional A cidade romana no noroeste: novas perspectivas, que organiza a Facultade de Humanidades do Campus de Lugo da USC, e que conta cunha achega económica da Deputación de 3.000 euros.
Fíxoo xunto ao Vicerreitor de Desenvolvemento Científico e Tecnolóxico do Campus de Lugo, Andrés Barreiro Lois, a Decana da Facultade de Humanidades, Isabel González Rey, e a Titular de Historia Antiga da Facultade de Humanidades da USC, Mª Dolores Dopico Caínzos. A inscrición para participar no coloquio é de 50 € (30 € para alumnos da USC e licenciados ou graduados sen emprego). Pódese realizar a través da www.usc.es/humanidades ata o 17 de outubro.
García Porto subliñou que “somos conscientes da importancia da investigación histórica, por iso colaboramos con esta actividade que nos axuda a coñecer mellor a nosa cidade romana, e a provincia”.
Este Coloquio, dirixido por Mª Dolores Dopico Caínzos, Profesora Titular de Historia Antiga, da Facultade de Humanidades do Campus de Lugo, e Manuel Villanueva Acuña, Profesor Titular de Historia Antiga, da Facultade de Xeografía e Historia de Santiago de Compostela, centrarase especialmente no urbanismo, as infraestruturas e a paisaxe de Lucus e Bracara desde diferentes perspectivas, reunindo a xeógrafos, enxeñeiros, arquitectos, botánicos, arqueólogos e historiadores de diferentes partes do mundo.
O Coloquio Internacional está orientado preferentemente aos profesores das materias de Xeografía e Historia, Arte, Latín, Grego e Cultura Clásica; estudantes, licenciados e graduados en Humanidades, Filoloxía Clásica, Xeografía, Historia e Arte. Estas xornadas contan cun crédito ECTS para os alumnos da USC.
Programación
24 de outubro na Facultade de Humanidades da USC, Campus de Lugo
– Ás 9:15 horas: Entrega de documentación.
– Ás 9:30 horas: Cidade: ¡se tí non me queres, eu quérote igual! (Je t’aime, moi non plus) (Max Jeans Zins, Dir. del CNRS-Centre d’Etudes et de Recherches Internationales París, Prof. Ad honorem da Fac. de Humanidades).
– Ás 10:10 horas: Existe-t-il un modèle de la ville romaine à l’époque augustéenne en Occident? (X. Lafon, Profesor Emérito de Archeología romana, IRAA, USR 3155 Aix-Marseille Université – CNRS).
– Ás 10:50 horas: Le prime acquisizioni di modelli romani nell’urbanistica indigena della Transpadana orientale (G. Bandelli, exCatedrático Historia Antiga, Univ. Trieste).
– Ás 12:00 horas: La città romana nella comunità indigena: il caso di Brixia tra sovrapposizione e assimilazione (Dott.ssa F. Rossi).
– Ás 12:40 horas: Coloquio.
– Ás 13:30 horas: Inauguración oficial.
– Ás 16:30 horas: Os elementos ideolóxicos: Munigua e os seus santuarios (Th. Schattner, DAI Madrid).
– Ás 17:10 horas: Cidade, territorio, economías locais: casos de estudo na Citerior nororiental (V. Revilla, Prof. Tit. Univ. de Barcelona).
– Ás 17:50 horas: A paisaxe urbana de Hispania (J. L. Jiménez
Salvador, Catedrático, Univ. Valencia).
– Ás 18:30 horas: Coloquio.
25 de outubro:
Bracara Augusta: Tratarán a cidade de Braga na Facultade de Humanidades da USC, Campus de Lugo.
– Ás 10:00 horas: O contexto xeográfico e paisaxístico da cidade e o seu territorio (J. Meireles Batista, Pro- fessor Associado da Universidade do Minho).
– Ás 10:30 horas: A topografía e o urbanismo da cidade (M. Martins, Professora catedrática da Universidade do Minho).
-Ás 11:00 horas: A cidade e a auga (C. Braga e M. Martins, Universidade do Minho).
– Ás 11:30 horas: Pausa.
– Ás 12:00 horas: O espaço construido (J . Ribeiro e F. M a- galhães , Universidade do Minho).
– Ás 12:30 horas: A transformação do territorio (H. P. Carva- lho, Professora Universidade do Minho).
– Ás 13:00 horas: Contribución do Sistema de Información 2ArchIS – Open Access ao coñecemento das cidades romanas de Braga e Lugo (N. Botica, Enxeñeira de Sistemas, Centro de Investigación Lab2PT, UA Universidade do Minho).
– Ás 13:30 horas: Coloquio.
Lucus Augusti: A xornada de tarde tratará sobre a cidade de Lugo e terá lugar na Casa do Saber.
– 16:30 horas: Aproximación ao contexto xeográfico (A. Pérez Alberti, Catedrático Xeografía Física da USC).
– 17:00 horas: A cidade no territorio: a transformación da paisaxe (P. Ramil, Prof. Tit. Botánica USC, Director do IBADER).
– 17:30 horas: Unha valoración da rede viaria do NO (C.Nárdiz, Prof. Titular, E.T.S. de Enxeñaría de Camiños, Canais e Portos, UDC).
– 18:00 horas: Pausa.
– 18:30 horas: A cidade e a auga (S. González Soutelo, Dra. en Arqueoloxía).
– 19:00 horas: O espazo urbano (M.López Guitar, Arquitecto, GAU Arquitectura y urbanismo).
-19:30 horas: Coloquio.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
