A Mariña, 22 de outubro de 2016. A portavoz nacional do BNG e portavoz do grupo parlamentar nacionalista, Ana Pontón e a deputada e viceportavoz parlamentar, Olalla Rodil visitaron esta tarde Mondoñedo para manter un encontro no que recoller as principais demandas das veciñas e veciños da comarca.
As nacionalistas puideron constatar a preocupación das mariñás e mariñaos polo impacto que a perda de empregos e o peche de empresas está a ter na comarca e comprometéronse a defender como unha das primeiras medidas a necesidade de poñer en marcha un plan de emprego específico para A Mariña, no que se teñan en conta as características propias e as grandes potencialidades que ten a comarca.
“As repetidas promesas do Partido Popular de creación de postos de traballo xa non teñen credibilidade ningunha e menos nesta comarca, onde a destrucción de empregos nos últimos anos foi unha constante e onde as taxas de desemprego están medrando por riba das medias da provincia, de Galiza e do Estado”, afirmou Olalla Rodil.
“Pediremos no Parlamento a elaboración e posta en marcha inmediata dun plan de emprego no que se inclúa un apartado específico de actuación para Mondoñedo e comarca, tras os continúos paus sufridos co peche de ECAR ou os despedimentos de Hermida que sempre deron lugar a promesas, pero nunca chegaron a concretarse”, explicou Ana Pontón.
Defensa de máis persoal e medios para a sanidade
As deputadas tamén anunciaron que se farán eco das demandas das veciñas e dos veciños no que respecta á asistencia sanitaria.
“A Mariña ten que recupera a súa área de xestión para poder contar con orzamentos propios e priorizar os investimentos que se precisan tanto en atención primaria como no Hospital da Costa”, asegurou Rodil.
“Non son de recibo as listas de agarda que se soportan no Hospital e mesmo nos centros de saúde. Non pode ser que as veciñas e veciños da Mariña teñan que desprazarse facer probas a hospitais de Lugo ou doutras provincias se queren axilizalas. Non é normal que as resonancias se fagan a tempo parcial e nun autobús fóra do propio hospital.
A Mariña ten entidade suficiente para contar con un Hospital que preste todos os servizos e para iso, o único que hai que ter é vontade e investir o diñeiro da ampliación en que sexa real, en espazo e en persoal, e non en construír un aparcamento que será de pago para as persoas usuarias”, declarou a portavoz nacional do BNG.
“Defenderemos que A Mariña recupere a xestión da súa sanidade e que a ampliación do hospital sexa para mellorar a atención e os servizos e non para que empresas privadas fagan caixa”, aseguraron. “O Hospital da Costa debe prestar todos os servizos e garantir a asistencia sanitaria de todas as persoas da comarca, incluído o dereito ao aborto”, afirmaron en relación aos problemas sufridos por varias mulleres en casos de necesidade de aborto en Burela.
Infraestruturas do século XXI para unha comarca dinámica
Desde o BNG seguirán insistindo na necesidade de que se repare de xeito urxente a débeda histórica que se ten coa Mariña en materia de infraestruturas. “Probablemente a comarca máis dinámica da provincia, con un peso enorme no PIB de Lugo, con uns sectores produtivos aínda vivos e puxantes, con un dinamismo demográfico inmenso e A Mariña segue coas mesmas infraestruturas que hai 40 anos”, aseguran.
“Pediremos que se remate urxentemente o tramo galego do corredor, de San Cibrao a Ferrol. Que se desatasque o problema da variante de Viveiro por medio do diálogo e o consenso coa veciñanza. Non serven anuncios electorais, o corredor ten que ser unha vía para comunicar o litoral”, afirmou a deputada nacionalista por Lugo. “Por iso o Parlamento ten que posicionarse esixindo que o goberno central execute a parte estatal de Barreiros a San Cibrao, porque son precisas estradas en condicións que soporten o peso do tráfico diario desta comarca”.
Ana Pontón manifestou que o Parlamento galego tamén ten que ter un papel activo á hora de reclamar con urxencia as medidas necesarias para a A8 “unha autovía a tempo parcial que veu crear máis problemas dos que solucionou” “Non podemos permitir que o Estado se limite a colocar radares con un clarísimo afán recaudatorio, mentras levamos dous anos agardando por solucións ao problema da néboa causado pola neglixencia e a falta de seriedade á hora de proxectar a autovía”, concluiu.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
