Burela, 6 de outubro de 2016. O salón de plenos do Concello acolleu a presentación do torneo de fútbol de base Marosa Cup. No acto estiveron acompañando ao presidente do ADF Porto de Burela (club organizador), José Manuel Ares, o alcalde de Burela, Alfredo Llano, e o concelleiro de Deportes Ramiro Fernández.
O presidente da ADF Porto de Burela, José Manuel Ares, explicou que o torneo se disputará o sábado 8 e o domingo 9 nas instalacións da Marosa e que participarán equipos de toda a provincia de Lugo, incluídos os da Mariña, máis outros procedentes de Asturias. As categorías que van disputar o torneo Marosa Cup van dende a de iniciación ata alevíns, pasando por prebenxamín e benxamín. O torneo comezará o sábado ás dez da mañá e prolongarase ata o domingo ás oito da tarde, momento no que se fará a entrega de trofeos.
O alcalde burelés manifestou que “o Concello de Burela, tal e como está a demostrar este equipo de goberno, aposta decididamente pola actividade deportiva, e así o ten demostrado apoiando iniciativas como esta. Entende que o deporte promove uns valores moi importantes como sociedade tales como o respecto, a vida saudable ou a integración que van facer que a sociedade vaia mellorando”.
Pola súa banda o concelleiro de Deportes, Ramiro Fernández, sinalou que “para o equipo de goberno de Burela é un auténtico orgullo poder colaborar nestas iniciativas. Felicito á directiva do ADF Porto de Burela pola organización do torneo”. E engadiu que “este fin de semana participarán no torneo en torno a 500 nenos e nenas que ademais desprazarán a moitas familias a Burela, co que entendemos que o beneficio deste torneo vaise notar en todo o pobo. Para o equipo de goberno de Burela, e máis concretamente dende a Concellería de Deportes é básico o deporte de base, o deporte dos nenos, e evidentemente apoiará as iniciativas que xurdan dende os diferentes clubs deportivos referidos a deporte base, porque como xa se dixo é unha prioridade para este equipo de goberno”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
