Equipo de goberno do Concello de Lourenzá.- Un ano máis a faba de Lourenzá foi a protagonista gastronómica da Mariña Lucense. Este ano, grazas ao traballo e colaboración de moita xente, foi unha das mellores edicións que se recordan, tanto polo número de visitantes como pola repercusión que tivo, aparecendo nos distintos medios de comunicación e en varios programas da TVG, que lograron que se falara da faba de Lourenzá en calquera parte do mundo.
Pois a pesar de saír na prensa, na radio, nas redes sociais e na televisión, o Partido Popular de Lourenzá non se enterou. Nin unha soa referencia á festa no seu facebook propagandístico. En lugar de estar preocupados pola exquisita leguminosa de Lourenzá, a súa teima estaba nas silvas, nas herbas dos camiños e en remexer nos contedores de lixo do municipio.
Xa ven, cada un ten as súas prioridades…
Temos que recordarlle aos populares que para poder ter os camiños o ben que todos quixeramos fai falta contar con persoal suficiente para realizar os labores de limpeza e que para ter persoal hai que ter cartos. Se non fora pola pésima xestión dos gobernos municipais populares e a ruína orzamentaria que nos deixaron en herdanza, poderíamos contar con bastantes traballadores máis no concello. Entre a perda da subvención de Tovar e os gastos ocasionados polo edificio da Avenida de Mondoñedo, ¿para cantos soldos e empregos daría?
Aínda así, e grazas ao traballo do equipo de goberno, imos contar cun novo tractor para realizar os traballos de limpeza, así como a contratación de varios traballadores. Logramos arranxar varios camiños e xa está aprobado a mellora de varios máis, algún deles de moita importancia para as comunicacións do municipio.
O próximo ano volverá outra edición da Festa da Faba. Será na primeira fin de semana de outubro. Traballaremos para que saia aínda mellor e volveremos contar coa axuda de todos. Esperemos que os representantes populares estean tamén á altura e colaboren aínda que só sexa facendo algún comentario positivo nos seus medios propagandísticos.
Equipo de goberno do Concello de Lourenzá.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
