Reis hai moitos e o devir histórico de Mondoñedo está marcado, dende tempos pretéritos, polo influxo destes.
Un dos episodios máis significativos desta vila ten que ver co reinado de Isabel e de Fernando, os reis católicos, que deron orde de tomar o lugar da Frouxeira para dar captura ó sublevado Pardo de Cela, levado con posterioridade a Mondoñedo onde foi decapitado, diante da catedral, xunto co seu fillo Pedro. Costumes medievais de solucionar os problemas ás bravas, “muerto el perro se acabó la rabia.”
A historia do mariscal, erixido como símbolo da resistencia da nobreza galega fronte á castelán, mostra semellanzas por analoxía, pero sensu contrario, co proceso revolucionario francés cando Luis Augusto de Borbón –máis coñecido como Luis XVI- foi tamén executado na Praza da Revolución. Séculos despois, cambio de ciclo histórico, pero o “modus operandi” segue a ser o mesmo, separar troncos e cabezas.
Pero non todo é sangue na capital mindoniense, aí está o legado de Leiras Pulpeiro -o médico do pobo-, o traballo xornalístico de Antonio Noriega Varela, a música de Pascual Veiga e a xenial prosa de Cunqueiro. Personaxes todas que merecerían sen excepción un tratamento individualizado, a súa propia homenaxe.
E por suposto a gastronomía, representada metaforicamente na torta de Mondoñedo que consolidou noutro reinado: o do rei das tartas.
Mil e unha razóns para amar Mondoñedo, mil e unha razóns para nutrir o realismo máxico de Cunqueiro.
Unha das novas da semana na nosa comarca ten que ver coa visita da raíña Leitizia a Mondoñedo, probablemente aconsellada polo seu sogro con respecto ás virtudes culinarias da torta. Xa se sabe, manxar de reis ou bocata di cardinale.
No tocante á loxística, e era unha cuestión que tiña profundamente preocupado a este narrador, a monarca chegou á vila de Cunqueiro polo aire; sí, aterrizou no campo de fútbol nun helicóptero, escoltada polo presidente Feijoó, o ministro de Educación e o conselleiro de cultura.
Non era esta unha cuestión menor xa que si viñera vía terrestre polo alto do Fiouco igual non o atopaba.
Dentro da axenda da raíña estaba a apertura do curso escolar no centro de Formación Profesional I.E.S San Rosendo, e alí, tivo que atoparse cun grupúsculo de manifestantes contra a LOMCE. Séculos despois da decapitación do mariscal seguen vivas moitas das vellas loitas representadas en novos estamentos sociais.
Finalmente sobre as 13:00 h., despois de terse aproximado a saudar, e entre vítores e aplausos (algún asubío habería tamén) Dª Leitizia marchou. Que volte cando queira, ou cando deus queira, ou cando todos queiran, Mondoñedo seguirá no seu sitio… O que tamén agardo é que, dentro duns séculos, poidamos reescribir a historia e non seguir repetindo os mesmos erros, ogallá estivera a raíña o día que se acordou o peche de Conservas Alonso en Celeiro, porque hai que estar nas duras e nas maduras.
Pablo Álvarez Ramos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
