Unha lágrima, un laio, un salouco, un pranto…
¿De quén?
Dos veciños, de todos nós, desa mestura heteroxénea que conforma Burela de Cabo pero, sobre todo, unha obriga moral: a de afrontar a realidade por dura que sexa e intentar sacar conclusións.
E é que do mesmo xeito que outrora tivemos motivos para festexar hoxe é día para a solidariedade e a necesaria lectura analítica.
A actualidade semanal pasa ineludiblemente polo Hospital da Costa e a condea ó Servizo Galego de Saúde pola neglixencia médica acreditada sobre unha veciña burelá; a mesma que foi ó servizo de xinecoloxía do hospital por anomalías no proceso de embarazo, a mesma que dilatou ata a semana 32, a mesma que se desprazou a Madrid para abortar nunha clínica privada e a mesma que perdeu o útero e a posibilidade de ser nai no Hospital da Paz.
Todas as circunstancias relatadas non son apreciacións subxectivas ou vingativos desexos, froito da frustración, senón feitos probados polo Xulgado do Contencioso Administrativo nº 2 de Lugo.
A expensas dun eventual recurso que puidera interpor o SERGAS, polo de pronto foi condenado ó pago de 270.000 € en concepto de responsabilidade civil, e isto non porque fora o valor real dos danos –di o propio maxistrado que “non hai indemnización que os resarza”-, senón pola aplicación do principio de xustiza rogada (un tribunal nunca pode cuantificar por enriba do solicitado pola prexudicada).
A cuestión que se plantexa a continuación é, coido, que a máis importante de todas aquelas que se poidan formular a posteriori:
A neglixencia obxectivada ¿é fortuíta ou leva tras de si un tufo ideolóxico relacionado coa moralidade?
A pregunta non é malintencionada, de feito non existen preguntas malas, tan só malas intencións cando se postulan…
No ano 1985 lexislouse por primeira vez a interrupción voluntaria do embarazo establecéndose tres supostos que seguen vixentes nos nosos tempos: violación, euxenésico (grave malformación no feto) e terapéutico (risco para a saúde física ou psíquica da nai).
Do que estamos a falar no caso que nos ocupa non só é da consecuencia material representada na neglixencia senón da posible subversión á lei por razóns morais.
Se interpretamos a lei como un contrato social baseado no libre consentimento polo que as partes se obrigan o que poidera parecer unha cuestión menor (o seu incumprimento) determina a nosa condición civilizada ou salvaxe, a diferencia entre selva e sociedade.
Pablo Álvarez Ramos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
