A conselleira de Infraestruturas e Vivenda en funcións, Ethel Vázquez, destacou este mércores que o novo acceso ao porto de Burela representa unha dobre oportunidade que vai aumentar a competitividade da dársena e liberar o centro urbano da vila do paso de 400 vehículos pesados cada día. Así o dixo a titular de Infraestruturas en funcións durante a visita que esta mañá realizou a esta localidade luguesa para supervisar os traballos nesta infraestrutura, na que a Xunta inviste 8 millóns de euros e que estará rematada en novembro, pois está xa executada nun 95%.
Ethel Vázquez, que estivo acompañada pola secretaria da Delegación territorial da Xunta en Lugo, Marta Barreiro, e do alcalde, apuntou que esta nova vía optimizará as comunicacións cara ao porto e suporá un pulo ao desenvolvemento económico do municipio, ao tempo, que redundará nunha maior seguridade e no incremento da calidade de vida dos veciños de Burela, “xa que ao aliviar o tráfico no centro da vila tamén reducimos a contaminación ambiental e acústica nas rúas”.
Trátase da construción dunha vía de 1,26 quilómetros que vai desde a intersección coa Avenida de Arcadio Pardiñas ata a Avenida da Mariña, o que suporá o afastamento dos tráficos portuarios do centro urbano, co que haberá unha mellora das comunicacións e de incremento da seguridade viaria.
Vázquez Mourelle destacou que, logo de meses de traballo, nos que foi preciso superar as dificultades técnicas derivadas da orografía e da presenza da liña de ferrocarril no trazado, hoxe esta vía está moi avanzada, como demostra o feito de que, onte mesmo se comezou a estender o firme na glorieta de acceso á dársena. Segundo indicou, os traballos continuarán nos vindeiros días ao longo de todo o trazado e que quedarán finalizados neste mes. Ademais, explicou que resta colocar a sinalización e pequenos remates que teñen que ver coa reposición da vía de ferrocarril.
A responsable de infraestruturas do Executivo autonómico subliñou que “se trata dunha infraestrutura estratéxica para reforzar a competitividade do porto de Burela, xa que facilitará os movementos de entrada e saída a unha das dársenas galegas que rexistra maior volume de operacións e que, desde a entrada en funcionamento da nova lonxa, viu incrementada a súa actividade”.
Ethel Vázquez remarcou que a execución desta vía responde tamén a unha importante demanda dos veciños, posto que a apertura desta estrada reducirá as molestias e o perigo que supón a circulación de máis de 400 vehículos pesados ao día polo núcleo urbano da vila.
Ademais, apuntou que agora o Concello debe analizar a nova configuración do tráfico na vila para aproveitar ao máximo a capacidade da vía en beneficio da calidade de vida dos veciños.
Resaltou que este acceso ao porto, xunto con outras actuacións tan importantes como a finalización, neste ano, do treito Celeiro- San Cibrao da VAP da Costa Norte, “poñen de manifesto o interese e o esforzo do Goberno galego por dotar aos veciños da Mariña luguesa de máis servizos e de mellores comunicacións e equipamentos”, engadiu.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
