O Balonmán Galipizza Viveiro comezou a competición ligueira cun triunfo diante do Campus Ourense: 31-27. Os pupilos de Javi Villares dominaron o partido de principio e fin e firmaron a sexta vitoria consecutiva desta tempada.
Ao contrario que nos encontros previos, o inicio dos viveireses foi moi bo e pronto conseguiron poñer terra de por medio, gracias a unha defensa ante a que sufrían moito os ourensáns e a un ataque moi fluído que atopaba cómodas opcións de lanzamento. Deste xeito, os locais vencían por 7 tantos ao descanso: 16-9.
Tralo paso polos vestiarios, cambiou a decoración. O 6:0 do Galipizza Viveiro baixou o seu nivel e empezou a conceder demasiado a un conxunto ourensán que soubo aproveitalo e mesmo se chegou a poñerse a tres tantos de distancia. 22-19. De todos os xeitos, os de Javi Villares recuperaron o ritmo e en ningún momento perigou o triunfo, aínda que os 18 goles encaixados no segundo período deben servir de reflexión para as vindeiras xornadas.
Entre os aspectos máis destacados deste encontro estiveron os regresos de Andrés e do porteiro xuvenil Edu, logo de recuperarse ambos de distintos problemas físicos.
O Galipizza Viveiro viaxará a próxima fin de semana á pista do Balonmán Chapela Talleres Ponteseca, que se impuxo na xornada inaugural con claridade ao Balonmán Xallas: 23-36. Os chapeleiros finalizaron terceiros no grupo II da Copa, despois de acadar tres triunfos e dúas derrotas.
BALONMÁN GALIPIZZA VIVEIRO (31): Peña e Edu; Jose Labaén (1), Antón, CArlos (4), Javi Villares (9), Jose Da Silva, Villares (2), Fede, Turbo (7), Andrés, Diego (1), David Rodríguez, Sanjurjo (4), Jacobo Permuy e Aitor (3).
Exclusións: Diego e Villares.
CAMPUS OURENSE (27): Neves, Hernández (9), Aarón (4), Pablo, Fernando, Rubén (4), Diego (2), Eric (1), Guillermo, Nilson, Andrés (2), Estévez, Steven, Iván (1), Óscar, Adán, Louis (3) e David.
Exclusións: Aarón.
Árbitros: Sergio Ríos e Jose Carballeira.
Incidencias: Uns 100 espectadores no Municipal de Viveiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
