Bruxelas, 20 outubro 2016. Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), participou este xoves pola mañá en Bruxelas no Cumio Cidadán sobre o CETA, como se coñece o Acordo Económico e Comercial entre Canadá e a UE que os gobernos do espazo comunitario pretenden asinar o vindeiro 27 de outubro. Durante o acto, no que participaron representantes da sociedade civil, partidos políticos do Parlamento Europeo e autoridades locais e rexionais, a eurodeputada de AGEe asinou unha declaración conxunta que insta á Eurocámara e aos parlamentos dos Estados membro a votar contra este acordo. O texto recalca o risco de perda de control na regulamentación de áreas clave como a saúde e a seguridade alimentaria, o clima e o medio ambiente, o desenvolvemento local e a educación, así como os servizos e contratacións públicas.
Nun acto ao que tamén asistiron pequenos produtores e produtoras de denominacións de orixe que quedarán desprotexidas coa entrada en vigor do CETA, e tendo en conta o veto do Parlamento rexional de Valonia ameazando a sinatura do día 27, Lídia Senra manifestou que “afortunadamente as cousas non están indo como quere a Comisión Europea e nós imos seguir dando a batalla para contribuír a que non se aprobe o CETA”. Con todo, a eurodeputada de AGe lamenta “que a Comisión de Agricultura do Parlamento Europeo , tendo a importancia que ten o CETA neste ámbito, se negue a preparar unha opinión grazas aos votos do Partido Popular e do Partido Socialista que se opoñen a facelo”. Ningunha das Denominacións de Orixe galegas queda protexida no acordo que, ademais,abre á importación o equivalente ao 0,6 % da produción e do consumo interno da carne fresca de vacún da UE. “Isto vai ter un impacto moi importante para as galegas e galegos, xa que deste sector dependen economicamente as zonas mais desfavorecidas e de montaña”, asegura a eurodeputada.
Lídia Senra aplaude o “non” do Parlamento da rexión de Valonia ao CETA, unha aprobación que puxo de manifesto mediante a sinatura dunha carta conxunta de apoio a Paul Magnette, presidente desta rexión belga, que denunciou mesmo presións para lograr o visto bo ao acordo. “Reivindicamos tamén que as nacións, neste caso a través do Parlamento galego, deberían ter o dereito a decidir sobre acordos deste tipo, polo que instamos ao Goberno galego a poñer en marcha todas as accións necesarias para conseguir que o pobo galego teña este dereito”, pediu tamén a eurodeputada de AGe.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
