Cervo, 6 de outubro de 2016. O Concello de Cervo abriu o prazo para solicitar as axudas destinadas a rapaces que estudaron fóra do municipio durante o curso 2015-2016. Para este fin destinaranse 9.000 euros, 3.000 máis que no ano anterior.
A concelleira de Educación, Dolores García Caramés, explicou que “estas axudas son para alumnas e alumnos menores de 30 anos, de familias empadroadas no concello de Cervo e que estudaron no curso 2015-2016 fóra do termo municipal en centros educativos sostidos con fondos públicos algunhas das ensinanzas que non se imparten no concello cervense. Os estudantes terán que cumprir os requisitos establecidos nas bases e presentar a documentación antes do 20 de outubro. Poden recoller información e os formularios na Casa do Mar de San Ciprián, en horario de mañá, e na Casa do Concello de Cervo e posteriormente deberán entregar a documentación e o formulario no Rexistro do Concello”.
Dolores García destacou que “nesta convocatoria o Concello ten prevista unha partida de 9.000 euros, financiada na súa totalidade con fondos propios, que serán 3.000 euros máis que no ano anterior, e cada beneficiario poderá recibir ata 200 euros. O obxectivo é atender todas as solicitudes que cumpran os requisitos establecidos”.
A edil de Educación especificou que “os solicitantes das axudas tiveron que cursar algunha destas titulacións no período lectivo 2015-2016: ensinanzas universitarias, estudos musicais en conservatorios ou escolas de música, Bacharelato (nalgunha das modalidades que non se imparten no instituto de San Ciprián), ou calquera das seguintes ensinanzas en grao medio ou superior, como son FP, ensinanzas profesionais de artes plásticas e deseño, ou deportivas. En canto á documentación a presentar, deberase entregar no Rexistro do Concello fotocopia do DNI de todos os membros da unidade familiar maiores de idade, fotocopia do libro de familia, autorización de todos os membros computables para obter información das diferentes administracións, copia cotexada do boletín de cualificacións ou certificación expedida polo centro educativo no curso 2015-2016 e, en caso de discapacidade ou dependencia, certificado emitido polo organismo oficial correspondente”.
Dolores García rematou comentando que “o Concello segue na mesma liña de apoiar a educación, tanto superior, con estas axudas, como coas que se veñen concedendo aos colexios, asociacións de nais e pais de alumnos e familias, xa que creemos que é unha maneira de apoiar á comunidade escolar na formación e o estudo dos seus fillos, ao igual que facemos con outras subvencións, tamén municipais, como é o caso das axudas para material escolar e libros”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
