Cervo, 25 de outubro de 2016. Un millón cincuenta mil euros será a partida destinada a investimentos por parte do Concello de Cervo no presuposto do próximo ano 2017, que está en proceso de elaboración. Esta cantidade significa un incremento dun 13 por cento respecto á do actual exercicio.
O alcalde, Alfonso Villares, explicou este martes: “desde o Concello de Cervo seguimos traballando á hora de elaborar o presuposto municipal para o ano 2017 e agora mesmo xa temos definido o diñeiro que se vai destinar aos investimentos reais. A cantidade vai ser dun total de 1.050.000 euros, que supón un incremento dun 13 por cento con respecto ao deste ano, que foi de 929.000 euros. Polo tanto unha parte importante deste presuposto vai ir destinada a esta partida”.
O alcalde de Cervo detallou que “por unha parte, no que é a administración xeral, sobre todo para a compra de ordenadores, teremos unha partida de 11.000 euros. No apartado de urbanismo, saneamento e augas temos previsto gastar 705.000 euros, no de servizos sociais a cantidade prevista é de 155.000 euros, para educación, cultura e deportes temos dispostos 129.000 euros e para infraestruturas teremos outros 50.000 euros”.
Pola súa banda a concelleira de Facenda, Dolores García Caramés, declarou que “é un dato importante que nos indica que desde o Concello de Cervo estamos destinando cada vez máis diñeiro para acometer unha serie de obras que nós consideramos fundamentais dentro do concello. Hai que destacar esa partida de urbanismo, saneamento e augas, apartado no que imos seguir levando adiante esas infraestruturas fundamentais das que levamos falado nestes últimos anos en saneamento e abastecementos de auga. Aquí hai unha partida importante, que é para un viario que vai desde a rúa Galdín ata o centro de saúde de San Ciprián, obra para a que temos unha axuda da Xunta de Galicia de 300.000 euros, ao igual que en servizos sociais, onde temos outra axuda da Xunta de Galicia de 85.000 euros, concretamente para o mobiliario industrial do Centro de Día e Residencia”.
A edil de Facenda salientou que “de todo este diñeiro, descontado eses 385.000 euros da Xunta, serían 665.000 euros con fondos municipais. Por iso que desde o Concello imos apostar polo investimento para o próximo ano”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
