Foz, 10 de novembro de 2016. A biblioteca pública de Foz acaba de convocar a décimo quinta edición do concurso de postais de Nadal, que é o decano da comarca en versión tradicional, segundo destacou a bibliotecaria municipal, María Jesús Álvarez.
No certame poderán participar todos os rapaces de ata 16 anos que o desexen e as postais deben realizarse en cartolina cun tamaño de 16 por 11 centímetros e no seu reverso teñen que figurar os seguintes datos: nome, idade, dirección, número de teléfono e centro no que estudan. O primeiro premio consistirá na reprodución da postal como felicitación oficial do Concello de Foz para o vindeiro Nadal, que se elixirá entre as tres categorías establecidas, que son: infantil A, ata 6 anos de idade, para a que hai un primeiro e un segundo premio, que son lotes de libros; infantil B, de 7 a 10 anos, para a que se establece un primeiro premio de 40 euros e libro e un segundo de 25 euros e libro; e xuvenil, de 11 a 16 anos, para a que hai un primeiro premio de 60 euros e libro e un segundo de 40 euros e libro.
Os traballos hai que entregalos na biblioteca pública municipal de Foz e o prazo de presentación rematará o día 2 de decembro. O fallo do xurado darase a coñecer en días posteriores e a entrega dos premios farase nun acto que se celebrará na Casa da Cultura.
Raíña ou rei do Entroido
Por outra parte, a Delegación de Cultura do Concello de Foz abriu o prazo para presentarse a raíña ou rei do Entroido focense 2017. Os maiores de 18 anos interesados deberán entregar na Casa do Concello a seguinte documentación: os seus datos persoais, 2 ou máis fotografías recentes e un escrito explicando brevemente por que lle gustaría ser raíña ou rei do Entroido de Foz. O prazo remata o día 25 deste mes e a cea de coroación da raíña ou rei do Entroido celebrarase o sábado 11 de febreiro de 2017.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
