Cervo, 7 de novembro de 2016. A Casa do Mar, de San Cibrao, acollerá o vindeiro sábado, 12 de novembro, a V Larpeirada de Ourizo de Outono, un concurso gastronómico de postres elaborados con castañas organizado polo Concello de Cervo.
Dito concurso está aberto á participación e colaboración do público en xeral: infantil, xuvenil e adulto. Os pratos deberán estar elaborados con castañas e terán como característica principal pertencer á categoría de postres, sobremesa ou larpeiradas. Cada participante poderá presentar un máximo de dous pratos. O xurado terá en conta a dificultade da elaboración, a presentación, o tempo de preparación ou a orixinalidade, entre outros aspectos. Haberá tres premios, que recibirán figuras conmemorativas.
A V Larpeirada de Ourizo de Outono dará comezo ás 16:30 horas coa entrega dos postres. Ás cinco será a degustación dos pratos por parte do xurado. E ás seis da tarde terá lugar a entrega de premios dos concursos de debuxo e gastronómico.
A xornada do sábado seguirá con máis actividades ao longo da tarde e da noite. Ás seis e media haberá un espectáculo de humor e malabares a cargo de Isla de Triska. Para as sete da tarde está prevista a celebración do Magosto Popular, que organiza a asociación Clan coa colaboración do Concello de Cervo. Non faltarán as castañas asadas e tamén se degustarán chourizos e touciño feitos á brasa a partir das 20:30 horas. A cita estará amenizada con música tradicional. A festa rematará ás 22:30 horas co concerto do grupo “Mi rollo es el rock”.
Haberá tamén o sorteo dunha desta de cocido e máis sorpresas. Desde o Concello cervense animan a asistir a esta cita festiva coa que se renderá homenaxe ao produto estrela da tempada, a castaña.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
