A contratación seriada viola a intimidade.
Así de contundente, así de bruto; asemella unha frívola provocación mais non o é, é sinxelamente unha constatación, un feito obxectivo, irrefutable, meridiano, absoluto: a contratación seriada ou de adhesión viola o dereito fundamental á intimidade e á propia imaxe.
En termos de actualidade unha das novas máis relevantes destas datas ten que ver coa hipótese de que dúas das canles de comunicación do noso tempo, Whatsapp e Facebook, intercambiaran información das contas dos seus usuarios.
George Orwell na arquicoñecida distopía de 1984: “O gran irmán está observándote”.
As Autoridades europeas de protección de datos confirmaron en sentido negativo: Whatsapp non iniciará aínda este proceso ata que poida facelo con garantías, dando resposta ás cuestións e preocupacións plantexadas previamente polas axencias de protección de datos.
A Axencia Española de Protección de Datos xa iniciara de oficio, a principios do mes de setembro, unha investigación destinada a examinar as comunicacións persoais entre Facebook e Whatsapp, así coma os tratamentos que dita comunicación xera.
¿Hai motivos para a alarma? ¿Deberamos preocuparnos? A propia lei (15/1999 de 13 de decembro) de protección de datos, vixente dende o ano 1999, establece, en vía administrativa, a posibilidade de establecer sancións que van dende os 900 ós 600.000 € pola súa vulneración. Todo fillo de veciño estaría na obriga de dar cumprimento ó seu contido. ¿É necesario o endurecemento da mesma?
Para dar resposta a todas estas preguntas habería que rescatar outro concepto: a contratación seriada. ¿Qué é iso? Contratos predispostos, non negociados individualmente, con cláusulas abusivas pre-redactadas, de adehesión, nos que o contratista simplemente acepta as condicións xa establecidas. ¿Sóalle de algo toda esta parafernalia? ¿Resúltalle familiar?
Pois resulta que unha das realidades do noso tempo consiste en trocar toda a nosa información de carácter persoal a cambio dunha nova actualización da nosa aplicación de chat, ou do software do noso teléfono. O agasallo fai ó home coma o látego ó can, que dicía o vello proverbio esquimó.
Por iso, haberá que familiarizarse con ese atractivo paquete, co papel de celofán, con cada ornamento daquela nova realidade que chamamos contratación seriada, porque coa súa pirotecnia está a violar a nosa intimidade.
As relacións comerciais cambiaron o seu contido e o seu formato, as partes xa non se reúnen e acordan libremente, só asinan condicións xa establecidas.
Remato co eslogan do partido da novela de Orwell: “A guerra é a paz. A liberdade é a escravitude. A ignorancia é a forza.”
Que non traten de enganarnos, a lei que non reflicte a vontade libre é só un caramelo envelenado.
Pablo Álvarez Ramos
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
