Burela, 10 de novembro de 2016. O Concello ven de abrir o prazo das axudas para material escolar do curso 2016/2017.
As bases aparecen publicadas no BOP con data 10 de novembro de 2016. “O fin é favorecer a integración sociocultural e garantir as necesidades básicas das unidades familiares con menor poder adquisitivo no ámbito da educación”, segundo explica a concelleira de Servizos Sociais, Patricia Otero.
A edil indica que “entre os requisitos para poder optar a estas axudas están ser alumnos empadroados en Burela cursen ou non estudos na localidade, e pertencer a familias con ingresos que non superen o 100% do IPREM no caso dun membro, ata o 125% do IPREM con dous membros, ata o 150% do IPREM con tres membros, ata o 175% do IPREM con catro membros, ata o 200% do IPREM con cinco membros, ata o 225% do IPREM con seis membros e ata o 250% do IPREM no caso de familias con sete membros”.
Patricia Otero subliña que “as solicitudes deberán ser presentadas no Rexistro Xeral do Concello de Burela ata o vindeiro día 25 de novembro do 2016, e estarán a disposición dos aspirantes nas Oficinas de Servizos Sociais do Concello de Burela, no Rexistro Xeral do Concello e na sede electrónica desta entidade local”.
A responsable de Servizos Sociais manifestou que “esta axuda é compatible con calquera outra que perciban polo mesmo concepto, sempre que a suma das mesmas non supere o custe global do material escolar”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
