Superado o esixente tramo inicial de liga, o Pescados Rubén Burela FS estreará este venres unha etapa de rivais a priori máis acordes coa “liga laranxa”. Vista Alegre recibirá na 7ª xornada de Primeira a Peñíscola RehabMedic (21.00 horas) coa emisión en directo por streaming LNFS Directo (www.lnfsdirecto.es).
“É un partido que temos que vivilo coma unha auténtica final, despois de seis xornadas moi complicadas, con rivais que non eran da nosa liga. Con só os 3 puntos fronte a Santiago, precisamos xa unha vitoria diante do noso público para que nos dea moral para seguir nunha liña positiva” advertía un dos capitáns mariñáns, Iago Míguez.
O obxectivo está claro; precísase un cambio de rumbo e mañá postúlase como o momento idóneo para comezar a facer realidade as primeiras metas: “Estamos mentalizados de que non se nos pode escapar nada na casa, porque psicoloxicamente nos pode axudar moito para seguir traballando e conseguir o primeiro obxectivo da tempada, afastarnos dos postos de descenso, e despois continuar traballando por algo máis, oxalá” explicaba o 5 laranxa. Os pupilos de Daniel Ibañes bateranse a un rival que, aínda que non coñece o triunfo en Vista Alegre, arrancou moi ben; ocupa a cuarta praza, con 13 puntos: “Se está cuarto clasificado é por algo; sacou partidos moi complicados, como o do Barça; é un equipo moi compacto, non baixa o nivel nas súas rotacións e mantén un ritmo de xogo moi regular” analizaba o ala burelao.
Iago Míguez tamén reflexionou sobre o lastre dos burelistas ata o momento: “A concentración estanos pasando factura; temos lapsos dos que os rivais saben beneficiarse, por iso neste partido temos que intentar subsanar este problema; competindo os 40 minutos, perderemos moi poucos partidos”.
“Non estou contento de todo con este inicio, polos resultados. Esperamos puntuar canto antes porque iso nos axudará a ser mellores. A afección está respondendo moi ben; está vindo a vernos e animarnos moita xente. Oxalá poidamos brindarlles unha vitoria este venres; irá dedicada a eles para que nos sigan apoiando” concluía Iago Míguez confiando sempre na fortaleza do baluarte laranxa, da Bomboneira.
No vestiario burelista, Daniel Ibañes non poderá contar nin con Edu, no tramo final da súa recuperación de xeonllo, nin con Chano, por molestias nun pé; tampouco estará Hélder, por decisión técnica. Na escuadra o Peñíscola, que chegou esta mañá á Mariña, viaxaron 13 xogadores, coas ausencias de Fran Conde e Álex Verdejo, por lesión.
Convocatoria Pescados Rubén-Burela FS: 5. Iago Míguez, 7. Isi, 9. Iago Rodríguez, 10. Matamoros, 12. Petry, 13. Álex, 17. Carlitos, 18. Jorge Bellvert, 20. Miñano, 21. Cuco, 23. Antoñito, 27. Renato
Convocatoria Peñíscola RehabMedic FS: 3. Marquinho, 4. Yeray H., 5. Iván Rumbo, 8. Esteban, 9. Juan Carlos, 11. Carlinhos, 12. Míchel, 14. Terry, 15. Iván R., 20. R. Orzáez, 21. Juan Emilio, 24. Lucas Bolo, 25. Íker.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
