Lourenzá, 15 de novembro de 2016. A Concellería de Cultura de Lourenzá convoca a segunda edición do concurso infantil para o cartel anunciador da cabalgata dos Reis Magos 2017 e o tradicional certame de poesía de Nadal que organiza a biblioteca pública municipal.
O concurso para o cartel da cabalgata dos Reis Magos “vai dirixido ós escolares de educación Infantil e Primaria do municipio. Os traballos deben ser pintados ou decorados con motivos fagan referencia á festividade dos Reis Magos nunha cartolina tamaño folio A-4 e é recomendable que a cor da cartolina non sexa moi escura. No reverso teñen que figurar os datos do participante: nome e apelidos, enderezo e teléfono. Empregarase a lingua galega”, segundo se explica nas bases.
O prazo de entrega dos carteis, que se efectuará na biblioteca municipal de Lourenzá, rematará o día 16 de decembro.
Nas bases tamén se indica: “establécese un único premio, que consistirá nun lote de material e ou xogos didácticos, que será entregado ao gañador ou gañadora do concurso o día 23 de decembro nun acto público”.
O cartel gañador servirá como anunciador do Concello da vindeira cabalgata dos Reis Magos 2017 e quedará como propiedade do Concello de Lourenzá.
En canto á fase local do certame de poesía infantil Nadal 2016, hai tres categorías: ata 8 anos de idade, de 9 a 11 anos e de 12 a 16. Nas bases explícase que “cada autor poderá presentar cantos traballos desexe. Os poemas estarán escritos en galego e a súa extensión será como máximo dun folio por unha soa cara. Con cada traballo acompañarase unha folla co nome e demais datos do autor. O prazo de presentación de poemas rematará o 23 de decembro e deben ser entregados na biblioteca pública municipal. Un xurado, formado por entendidos na materia, seleccionará por cada modalidade e categoría un máximo de tres traballos e os autores elixidos recibirán cadanseu diploma e libros. Os traballos premiados nesta fase local participarán na que convoca a biblioteca pública provincial de Lugo, co patrocinio da Consellería de Cultura da Xunta de Galicia. O fallo do xurado local farase público na primeira quincena de xaneiro do 2017”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
