Mondoñedo, 24 de novembro de 2016.- A alcaldesa de Mondoñedo, Elena Candia, e o presidente do CD Lugo, Tino Saqués, presentaron este xoves no Concello o Campus de Nadal CDLU CAMP, que este ano se fará na localidade mindoniense.
O CDLU CAMP é unha iniciativa do Club Deportivo Lugo que pretende difundir os valores da entidade deportiva tanto na cidade das murallas como no resto da provincia. De aí o interese do Concello de Mondoñedo porque este ano se celebre na localidade.
É a primeira vez que os CDLU CAMP saen da cidade de Lugo para achegar a solidariedade, o compañeirismo, a igualdade, as habilidades sociais ou o ‘fair play’ como eixo transversal dunha semana de desfrute para todos os participantes.
Do 2 ao 5 de xaneiro
As actividades do CDLU CAMP desenvolveranse a primeira semana de xaneiro, entre o día 2 e o 5, nas instalacións do complexo deportivo Viñas da Veiga. A modalidade deportiva protagonista será o fútbol, cunha sesión diaria, que contempla ademais a practica doutras disciplinas, como o baloncesto, o voleibol ou o tenis de mesa.
O campus está dirixido a aqueles nenos e nenas nados entre os anos 2010 a 2000. As actividades darán comezo ás 09:30 horas e rematarán ás 14:00 horas cun almorzo a media mañá. O prezo será de 60 euros para os socios do CD Lugo e de 80 euros para os que non o sexan. A dirección das actividades recaerá en José Seoane, director da Escola do CD Lugo. A inscrición pode ser presencial, no Concello de Mondoñedo, ou online a través da web www.cdlucamp.org.
Todos os participantes contarán cun seguro de accidentes con cobertura de asistencia sanitaria ante un eventual percance no transcurso das actividades do campus.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
