“Evelyn”, segunda proxección do VIII Vídeo-Fórum Mulleres no Mundo en Foz

Evelyn narra con detalle unha historia vagamente coñecida por algúns titulares de prensa: a chantaxe e explotación sexual á que se ven sometidas mulleres que chegan a Europa desde América Latina coa esperanza de atopar traballo.

A protagonista, unha moza de contexto humilde, viaxa a España desde o seu lugar natal de Perú, en Latinoamérica. A súa mai empeña o pouco que ten para pagarlle a pasaxe coa oferta de que traballará na hostalaría, pero é enganada e secuestrada para ser explotada sexualmente nun clube de estrada. Esta é a historia dunha manipulación, para convertela nunha escrava sexual.

A directora, Isabel de Ocampo, ten as cousas moi claras na sua cabeza e esa claridade foi quizá un dos motivos que a levaron a realizar un filme, Evelyn, que foi nominado aos premios Goya 2013, na categoría de directora novel, un recoñecimento que xa obtivo no 2008 con Miente, cando recibiu o Goya a mellor curta de ficción.

Evelyn resulta un filme imprescindible de ver se se quere coñecer cómo funciona eo entramado da trata con fins de explotación sexual na Península. A historia poderia axustarse, con matices, á dramática realidade que viven millons de mulleres que son atrapadas por mafias e proxenetas en moitos países do planeta. A veracidade da sua factura, os seus personaxes e unha historia ben narrada cinematográficamente fainos reflexionar sobre unha das formas de esclavitude da era actual.

Ocampo explica a súa implicación no tema e o seu esforzo por mostrar a realidade a través dun filme: “falase na obra do proceso mental polo cal unha muller é convertida nunha zombi, nun anaco de carne desposuído de auto-estima coa personalidade fragmentada e dividida.

“Evelyn resulta un filme imprescindible de ver se se quere coñecer cómo funciona o entramado da trata con fins de explotación sexual na Península”. O filme constitúe a segunda proxección do VIII Vídeo-Fórum Mulleres no Mundo que terá lugar o xoves 10 de novembro a partir das 19.00 horas no salón de actos da UNED de Foz.

Após o visualización do filme haberá debate sobre o contido da obra e ofrecerá-se bebida quente e petisco.

FICHA TÉCNICA
Título Evelyn
Directora Isabel de Ocampo
Guionista Isabel de Ocampo e Juan Manuel Romero
Música Antonio Escobar
Fotografía José David Montero
Montaxe Mapa Pastor.