Máis de 400 maiores de toda a provincia participaron ata o momento nas actividades organizadas no 4º trimestre do ano polo InLugo, entidade que xestiona a Fundación TIC da Deputación. O patrón TIC e Vicepresidente da Deputación, Álvaro Santos, visitou este luns un dos cursos gratuítos que se imparten na súa sede, en concreto, o titulado: Escribe no ordenador empregando un editor de texto.
Santos compartiu cos 15 participantes neste taller o seus primeiros pasos para familiarizarse co uso do teclado do ordenador e os aspectos máis básicos do procesador de textos WordPad. Con este xa son 19 os cursos impartidos na sede do InLugo, dos 29 programados para os tres últimos meses do ano, nos que houbo máis de 200 participantes. As prazas para os outros 10 xa están cubertas desde o mesmo día que se abriu o prazo de inscrición. De feito, para as 354 prazas previstas houbo 575 inscricións en tan só seis horas.
Alimentatic: as tic coa alimentación saudable
Polo que se refire a Alimentatic, o programa de obradoiros para mellorar, a través das novas tecnoloxías, os hábitos de alimentación dos maiores, no mes de outubro participaron arredor de 200 persoas nos cursos que houbo en Láncara, O Corgo, Guitiriz, A Pontenova e Trabada e na conferencia do especialista en nutrición, Manuel Antonio Botana.
Este luns, Alimentatic chega a Burela, un obradoiro que contou coa presenza da Deputada de Economía, Mayra García, e o Alcalde da localidade mariñá, Alfredo Llano. Neste mes de novembro o programa de alimentación saudable tamén chegará a Paradela, Pol e Ourol.
Recordos a través do móbil
Por outra banda, no último trimestre de 2016 a TIC desprazarase por toda a provincia para impartir 15 obradoiros sobre o uso do móbil coa finalidade de gravar recordos dos lucenses participantes que formarán parte do arquivo Memoria Dixital Lugo. Este é un programa pioneiro na nosa provincia, especialmente dirixido aos maiores, pero aberto a todos os lucenses interesados en contar os seus testemuños. Memoria Dixital Lugo (www.memoriadixitallugo.es) inclúe vídeos, audios, fotografías antigas e diversos documentos que axudarán a coñecer mellor a historia recente da nosa provincia, especialmente a da primeira metade do século XX.
Todas estas actuacións desenvólvense no marco do programa de “Promoción da Autonomía Persoal dos Maiores da Provincia”, que xestiona a Fundación TIC a través dunha encomenda da Deputación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
