A Deputada de Medio Ambiente, Sonsoles López Izquierdo, e a autora do libro Viaxe ao patrimonio natural lucense, Llerena Perozo Porteiro, presentaron este xoves no Pazo de San Marcos a 3ª Semana Escolar da Provincia que organiza a Deputación. A actividade ten como obxectivo achegar un mellor coñecemento da nosa provincia á comunidade escolar, que un ano máis recibiu unha extraordinaria acollida con 46 centros de Educación Secundaria inscritos, nos que 568 docentes realizarán co seu alumnado as actividades propostas.
López Izquierdo sinalou que “este proxecto está concibido para divulgar coñecementos sobre o patrimonio natural da provincia de Lugo nos cursos de Educación Secundaria. Nas dúas edicións anteriores puxemos en valor a historia da provincia e na actual convocatoria propoñemos un discurso narrativo e educativo que amplía os anteriores cara a un mellor coñecemento do gran patrimonio do territorio que compartimos na provincia”.
Con esta finalidade a Deputación editou o libro-manual Viaxe ao patrimonio natural lucense, un caderno de viaxe no que o personaxe condutor de todos os manuais creados para esta actividade nos cursos pasados, Alba, vai percorrendo a provincia e coñecendo os espazos naturais da mesma facendo fincapé nos espazos protexidos, nas augas e na biodiversidade da nosa provincia, así como no valor patrimonial dos mesmos e a importancia cultural que supoñen. Para establecer as actividades elaborouse un programa con propostas de traballo e editouse unha Guía do profesorado contendo pautas para utilizar o libro manual, que xa recibiron todos os alumnos inscritos e os seus profesores.
Do 21 ao 25 de novembro
O primeiro día os alumnos farán unha pegada dos carteis nos centros escolares. Durante a semana lectiva lerán e analizarán o libro-manual, realizarán as actividades, elixirán unha ou varias rutas e construirán murais con fotos ou debuxos do patrimonio natural para realizar unha exposición colectiva. Por último prepararán un pleno provincial coa conservación do patrimonio natural como tema central.
O vindeiro 25 de novembro, como conclusión do proxecto e as actividades, ás 12:00 horas, os centros participantes procederán á realización dunha serie de actos relacionados cos traballos realizados ao longo da semana escolar. Inaugurarán a exposición de murais colectivos, lerán os mellores traballos individuais realizados e farán unha representación aberta para todo o centro dun pleno da corporación provincial realizado por alumnas e alumnos seleccionados.
Obxectivos
Os obxectivos desta iniciativa é divulgar entre a mocidade a realidade e diversidade da natureza na provincia de Lugo, espertar a curiosidade máis aló dos fenómenos esquemáticos, técnicos ou universais da materia de Ciencias naturais, fomentar o interese por unha realidade que nos circunda e que, por cotiá, non resulta apreciada en todas as súas dimensións e impulsar a necesidade da conservación do hábitat natural como ben presente e de futuro.
Centros inscritos
– IES Plurilingüe Fontem Albei do Concello da Fonsagrada
– IES Fonmiñá do Concello da Pastoriza
– IES Enrique Muruais do Concello da Pontenova
– IES Alfoz – Valadouro do Concello de Alfoz
– IES de Becerreá do Concello de Becerreá
– IES da Terra Chá, José Trapero Pardo do Conello de Castro de Rei
– IES Marqués de Sargadelos do Concello de Cervo
– IES Val do Asma do Concello de Chantada
– IES de Foz do Concello de Foz
– CPR Plurilingüe Martínez Otero do Concello de Foz
– CPR Plurilingüe Nuestra Señora del Pilar do Concello de Foz
– IES Poeta Díaz Castro do Concello de Guitiriz
– CPR Plurilingüe Divino Maestro do Concello de Lugo
– IES Sanxillao do Concello de Lugo
– CPR Galén do Concello de Lugo
– CPR La Inmaculada do Concello de Lugo
– CPR María Auxiliadora do Concello de Lugo
– CPR Plurilingüe Padres Franciscanos do Concello de Lugo
– CPR Seminario Diocesano Sagrado Corazón do Concello de Lugo
– IES Ánxel Fole do Concello de Lugo
– IES Leiras Pulpeiro do Concello de Lugo
– IES Lucus Augusti do Concello de Lugo
– IES Nosa Sra. dos Ollos Grandes do Concello de Lugo
– IES Xoán Montes do Concello de Lugo
– CPR Plurilingüe San José do Concello de Lugo
– CPR Divina Pastora do Concello de Lugo
– IES Pedregal de Irimia do Concello de Meira
– IES San Rosendo do Concello de Mondoñedo
– IES Río Cabe do Concello de Monforte de Lemos
– CPR Ferroviario do Concello de Monforte de Lemos
– CPR Padres Escolapios do Concello de Monforte de Lemos
– CPR Plurilingüe Fundación Educativa Torre de Lemos do Concello de Monforte de Lemos
– IES A Pinguela do Concello de Monforte de Lemos
– IES Francisco Daviña Rey do Concello de Monforte de Lemos
– IES de Monterroso do Concello de Monterroso
– IES do Camiño do Concello de Palas de Rei
– IES Río Miño do Concello de Rábade
– CPR Sagrado Corazón de Jesús do Concello de Ribadeo
– IES de Ribadeo Dionisio Gamallo do Concello de Ribadeo
– IES Xograr Afonso Gómez de Sarria do Concello de Sarria
– CPR La Merced do Concello de Sarria
– IES Gregorio Fernández do Concello de Sarria
– CPR Plurilingüe Ntra. Sra. de la Asunción do Concello de Sarria
– IES Lois Peña Novo do Concello de Vilalba
– IES María Sarmiento do Concello de Viveiro
– IES Illa de Sarón do Concello de Xove.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
