Cervo, 15 de novembro de 2016. O Concello de Cervo ven de resolver as axudas para transporte destinadas a aqueles veciños e veciñas que estudan fóra do termo municipal. Aprobou 29 das 36 solicitudes recibidas.
O alcalde, Alfonso Villares, anunciou hoxe que “desde o Concello de Cervo xa resolvemos a convocatoria de axudas para o transporte escolar daqueles alumnos do noso concello que cursan estudos fóra do noso termo municipal”.
Alfonso Villares lembrou que “o prazo para solicitar estas axudas rematou o 20 de outubro e ao final foron 36 as solicitudes de rapaces que estudan fóra do noso termo municipal e que pediron unha axuda en base a esta convocatoria. Delas 29 non teñen ningún problema e váiselles conceder os 200 euros por cada un dos alumnos; e son 7 os que quedan fora por algún tipo de problema ou exclusión motivados na propia resolución. En todo caso estes rapaces van ter un prazo de dez días hábiles para poder reclamar ou alegar o que consideren oportuno por se houbo algún tipo de erro poder rectificalo e darlles tamén esta axuda”.
Pola súa banda a concelleira de Educación, Dolores García Caramés, explicou: “desde o Concello de Cervo xa levamos anos concedendo estas axudas, sobre todo para favorecer e apostar pola educación no noso concello. Neste caso son para todos aqueles rapaces que estudan fóra do noso termo municipal calquera tipo de estudo, ben sexa de Educación Secundaria Postobrigatoria, Bacharelato, Formación Profesional de Grao Medio, Ensinanzas Profesionais de Artes Plásticas e Deseño de Grao Medio ou ensinanzas deportivas de grao medio. Tamén a aqueles que poidan facer algún tipo de estudo de educación superior, ensinanzas universitarias, ensinanzas artísticas superiores, FP de grao superior e tamén ensinanzas profesionais de artes plásticas e deseño de grao superior e ensinanzas deportivas de grao superior. Incluso tamén están abertas estas axudas para aqueles rapaces que fagan estudos musicais impartidos en conservatorios e escolas de música”.
A responsable de Educación di que “informaremos durante estes días aos distintos rapaces solicitantes, a aqueles aos que se lles concedeu e aqueles aos que se lles denegou, porque tamén se lles dá oportunidade de alegar por se houbera algún tipo de erro”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
