Mondoñedo, 26 de novembro de 2016.- O Goberno local aprobou no pleno celebrado onte os orzamentos do Concello para o vindeiro ano 2017, unhas contas que a rexedora local, Elena Candia, definiu como “realistas” e que destinan ao redor duns 835.000 euros a investimentos no municipio, é dicir, máis do 25% do orzamento.
A alcaldesa resalta que “aprobamos en prazo” as contas do Concello para o 2017 por un importe total que ascende en torno a 3,2 millóns de euros e das que remarca o esforzo que se dirixe as áreas de benestar, educación, cultura e infraestruturas, cuxas partidas suman ao redor de 1,7 millóns de euros, máis do 50% do presuposto.
Elena Candia engade que as contas para o ano 2017 tamén contemplan partidas para aqueles proxectos comprometidos polo Goberno local, como é o da posta en marcha dun plan de acción para o fomento da natalidade e para loitar contra a despoboación no Concello de Mondoñedo mediante axudas directas e servizos de conciliación. A rexedora da localidade adianta que xa se están a preparar as bases para o desenvolvemento deste proxecto de incentivos para a natalidade.
No que refire a partida de gasto de persoal, Candia matiza que a nova Relación de Postos de Traballo que vén de ser aprobada “queda tamén orzamentada e reaxusta tamén os gastos neste eido, pero non a costa dos dereitos dos traballadores”.
Por último, a alcaldesa lembra que a situación de estabilidade orzamentaria e financeira, permite que o Concello non precise de xeito ineludible o incremento de recadación polo IBI, e as modificacións levadas a cabo permitirán evitar a carga excesiva aos veciños.
Unanimidade na apertura do expediente para a venta das parcelas do polígono
O pleno de onte tamén aprobou por unanimidade a proposta sobre o expediente de contratación e de licitación para a venta das catro parcelas do polígono industrial que son de propiedade municipal. Así, a parcela de titularidade municipal de 946 metros cadrados, terá un prezo de venda de 26.308,26€; a de 1.100 m2, o prezo de venda será de 30.591,00€; para a de 979 m2, de 27.225,99€; e para a de 1.040 m2, de 28.922,40€.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
