Santiago, 11 de novembro de 2016.- A Xunta de Galicia, a través do Plan de Vixilancia e Control da Vespa Velutina, retirou ou inactivou no que vai de ano 7.015 niños deste insecto en toda Galicia, a maioría na provincia da Coruña, 4.451. En Lugo foron 743, en Ourense, 34 e en Pontevedra, 1.787.
A primeira vez que se detectou en Galicia a presenza de velutina foi en 2012, nese momento actuouse sobre dous niños na nosa comunidade. Dende febreiro de 2014, cando a presenza deste insecto dou un salto cuantitativo, está en funcionamento o Plan de Vixilancia e Control impulsado por esta Consellería, co que se interveu sobre 572 niños.
Pero se ata 2015 era a Consellería do Medio Rural en solitario a que retiraba os niños (en todo o ano pasado foron 5.045) este ano sumáronse a este plan outros departamentos como as Consellerías de Presidencia, Administracións Públicas e Xustiza e a de Medio Ambiente e Ordenación do Territorio, concellos, a través da Fegamp, ademais de asociacións apícolas. Así, coa súa incorporación, repartiuse o mapa territorial de Galicia e definíronse as situacións nas que actuaría cada institución para que, a través desta coordinación, cada aviso fose xestionado de forma máis rápida e eficiente sen duplicar accións.
A retirada ou inactivación de niños non foron as únicas accións que desenvolveu a Xunta contra a presenza da vespa velutina na nosa comunidade. A Consellería do Medio Rural ten entregado trampas e líquido atraente aos apicultores dos concellos afectados co obxecto de realizar o trampeo de primavera, destinado á recollida de raíñas do insecto invasor tras a súa hibernación. Cada raíña capturada supón un niño menos na tempada seguinte. No 2016 entregáronse ata 2.100 trampas e botes de líquido, e esta entrega únese ás 3.000 trampas e botes de líquido atraente xa entregadas aos apicultores no 2015.
Protección para o persoal
Ademais, Medio Rural e o resto de departamentos colaboradores achegaron 436 Equipos de Protección Individual a traballadores que desenvolven as tarefas do Plan de Vixilancia e Control, así como 73 pértegas a concellos, Grupos de Emerxencia Supramunicipais (GES) e ás asociacións apícolas que o solicitaron. A estas cifras habería que sumar tamén o material adquirido por esta Consellería para o seu propio persoal e que xa foi adquirido en anos anteriores.
Medio Rural lembra que a vespa velutina non é máis perigosa para as persoas que a vespa autóctona (crabro). En todo caso, existe un teléfono específico para alertar da presenza deste insecto, o 012.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
