Os socialistas de Mondoñedo acusan a Candia de “non defender os intereses dos mindonienses” en torno á cesión do barrio do Vilar onde hai investido máis de 1,5 millóns de euros de inversión pública

MONDOÑEDO (Lugo), 11 de novembro de 2016. A portavoz do Partido Socialista de Mondoñedo Esperanza González acusou á Alcaldesa de Mondoñedo “de non defender os intereses dos mindonienses”, en torno a cesión do Barrio Vilar, onde o Concello ten investido máis 1.5 millón de euros de diñeiro público. Advirte ademais que este novo acordo non conta con ningún informe xurídico, nin do Secretario, nin de ningunha outra índole.

A voceira socialista afirma que coa aprobación da Addenda, aprobada solo polo PP, o Concello queda en inferioridade, algo que prexudica directamente os intereses de todos os veciños de Mondoñedo, xa que queda en inferioridade de condicións, con respecto ao asinado inicialmente. Denuncia que o documento asinado por Candia non respecta a filosofía da cesión orixinal da escritura do ano 2003, xa que non reflectía a participación dos cedentes nun 50% da renda pola explotacións dos bens do Vilar.

González advirte que segundo consta, na nova proposta asinada, no punto cuarto, a familia poderá solicitar a reversión automática do inmoble, e a reversión da propiedade dos bens e dos inmobles cedidos con todos as súas accesións e melloras, libres de calquera tipo de cargas. Ademais, e segundo consta na citada sinatura, no mesmo punto 4, calquera dos cedentes ou dos seus herdeiros, poderán dirixirse directamente ao Concello, comunicando de forma fehaciente a existencia da reversión automática.

A voceira socialista acusa a Candia de pasar olimpicamente dos acordos aprobados no Pleno do concello, o pasado 29 de marzo de 2016, no que se acordaron varios modificacións á ADDENDA , e que non aparecen na nova proposta asinada. Sinala que esas modificacións son; que non podería haber unha reversión automática, xa que habería que discutila coas partes, e outra relacionada coa reversión, e na que se precisaba que a reversión deberían de solicitala TODOS OS HERDEIROS, e non como establece o novo acordo, onde se explica que pode solicitalo calquera deles.

González afirma que esta nova cesión do PP “altera as condicións asinadas inicialmente no ano 2003, onde segundo consta na escritura, a habilitación da zona será destinada para usos turísticos de carácter rural, e en particular para a construción dun centro de interpretación da Prehistoria”. Centro que a dia de hoxe xa esta feito, como se pode constatar e verificar.

Ademais o Goberno de Candia gastou máis de 200 euros, nun anuncio nos medios para promocionar as visitas a este centro de Reinterpretación. Anuncio que foi aprobado na Xunta de Goberno do pasado 21 de setembro de 2015. Polo tanto entendemos que o pago desta publicidade é unha proba máis da realización desta infraestrutura. Explica ademais que “xa estaba aberta ás visitas que o solicitaban, e tamén aos centros de ensino de Galicia”.

Así as cousas González remarca que é falsa a premisa que aparece asinada na nova Addenda na que se constata que non se cumpriu a condición da construción do Centro de Reinterpretación.

E sobre sobre as herdanzas señora Candia é mellor que non falemos, porque senón teremos que aludir ao montón de millóns de débeda que deixou pendente o seu Partido neste Concello, e máxime cando vostede formaba parte desa corporación.