Ribadeo, 2 de novembro de 2016. A XIII Mostra de Teatro Afeccionado foi presentada este mediodía na Casa do Concello. Terá lugar os días 4, 5 e 6 deste mes e ofrece como novidade unha representación para os máis novos. A presentación correu a cargo do concelleiro de Cultura, Farruco Graña, e a viúva de Daniel Cortezón, Matilde González.
O edil nacionalista declarou que “un ano máis volvemos atoparnos co teatro afeccionado en Ribadeo, imos facer teatro todos como público espectador, pero tamén como público que participa porque este ano hai novidades diversas, entre elas poder participar na obra”.
O edil de Cultura salientou que “a Mostra de Teatro Afeccionado Daniel Cortezón vai xa pola súa 13 edición e vai ter lugar esta fin de semana, o venres 4, sábado 5 e domingo, 6 de novembro. Normalmente as obras de teatro son ás 20:30 horas e así ocorrerá o venres 4 e o sábado 5, pero este ano temos unha especial novidade e é que vai haber teatro tamén para cativos e será o domingo, 6 de novembro, ese día a obra de teatro será ás 17:30 horas”.
Farruco Graña informou de que “nesta XIII Mostra de Teatro Afeccionado Daniel Cortezón contamos coa presenza dos grupos de teatro afeccionado Pico do Castro, Tangatutanga e Alentía Teatro. Pico do Castro visitaranos o venres 4 de novembro e representará a obra O consultorio. Pico do Castro xa nos ten deleitado por toda a comarca mariñán coa súa obra De vello gaiteiro e agora toca unha nova obra O consultorio, que será unha comedia onde a consulta dun psiquiatra será o escenario para rir un pouquiño da nosa realidade máis inmediata tratando temas diversos como poden ser a incomunicación familiar, a sexualidade, a soidade, en fin un momento de divertirnos e pasalo ben pero tamén de tomar conciencia dos problemas da sociedade actual”.
O concelleiro de Cultura engadiu que “o sábado 5 visitaranos Tangatutanga Teatro, que vai representar Que deus nos colla confesados, será un cabaret bíblico moi peculiar. O proxecto teatral deste grupo ten unha tradición xa lonxeva nos anos, está desde o ano 2000 facendo representacións e hai un ronsel de ata trinta actores e actrices que colaboran na actividade deste grupo dirixido por Beatriz Bravo. Debemos destacar que esta obra xa foi o segundo premio da I Mostra de Teatro do Concello de Zas”.
Farruco Graña comentou que “o domingo está o aspecto máis novidoso desta XIII edición da Mostra de Teatro Afeccionado, que será a representación que vai levar a cabo o grupo de Palas de Rei Alentía Teatro cunha obra na que poderemos participar todos, dirixida especialmente aos cativos e na que vai haber moita interacción entre os actores e actrices e o público. Alentía Teatro ten xa sobrada experiencia, ten presentado espectáculos nun amplo número de festivais e escenarios da xeografía galega e ademais ten visitado outros países da man de ong´s como Meniños, Solidariedade Internacional ou Amarante”.
O concelleiro de Cultura quixo “animar a todo o mundo a que se achegue ao Cine Teatro esta fin de semana e animemos a todo o mundo a formar parte de grupos de teatro afeccionado porque en Ribadeo tamén hai gran afección ao teatro”
Pola súa banda Matilde González, viúva de Daniel Cortezón, subliñou que “me parece interesantísimo que lleguemos a la décimotercera edición de un teatro aficionado como es este y animo a todo el mundo a que participe como público y también en teatro interactivo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
