Burela 29-12-16. 
O Pescados Rubén Burela FS dirá adeus a 2016 mañá na 13ª xornada de Primeira LNFS na casa do Ríos Renovables Zaragoza FS (20.45 horas). O Siglo XXI será testemuña dunha cita de gran rivalidade na que ambas as escuadras pelexarán por despedir o ano con boas sensacións con tan só 3 puntos de vantaxe da novena praza laranxa (15) sobre a décimo terceira maña (12).
“Sabemos que vai ser difícil; o ano pasado non puidemos vencer nesa pista, pero esta tempada o noso xogo é mellor e se queremos seguir enganchados necesitamos unha vitoria” explicaba o técnico burelista, Daniel Ibañes, que quere recuperar a esencia laranxa tras o tropezo en Vista Alegre da semana pasada. “Xa esquecemos o resultado con Ribera; tivemos días de descanso, que era o que necesitabamos, e adestramos pensando en recuperar o noso xogo e concentración das xornadas anteriores”.
“Zaragoza é quizais o equipo máis peculiar da liga defensivamente; expón unha defensa en zona que é moi difícil de atacar. Está sufrindo máis este ano, pero foi capaz de empatar na casa con Barcelona e ademais, con só 3 puntos por baixo de nós, buscarán con máis esforzo unha vitoria que para eles tamén podería ser moi importante” advertía o adestrador mariñán.
Nas filas burelistas non poderá despedir o ano sobre as pistas Matamoros, que cumprirá mañá o primeiro de dous partidos de suspensión tras a expulsión en Vista Alegre fronte a Aspil; Edu continúa co seu proceso de recuperación e Cuco será dúbida de última hora por un golpe sufrido onte durante o adestramento. A expedición de Daniel Ibañes partirá esta noite, ás 23.45 horas, con rumbo a terras mañas.
Convocatoria Pescados Rubén Burela FS: 5. Iago Míguez, 7. Isi, 9. Iago Rodríguez, 11. Chano, 13. Álex, 17. Carlitos, 18. Bellvert, 20. Miñano, 21. Cuco, 23. Antoñito, 27. Renato, 30. Hélder
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
