Burela, 12 de decembro de 2016. A Concellería de Obras e Servizos do Concello de Burela informa que este luns saíron publicadas no Boletín Oficial da Provincia (BOP) as bases de licitación para dúas actuacións importantes para o pobo de Burela.
O concelleiro de Obras e Servizos e primeiro tenente alcalde, Ramiro Fernández, explicou que “se trata en primeiro lugar dun proxecto de asfaltados de varias rúas de Burela, especialmente na Avenida Arcadio Pardiñas, que contan cun presuposto de execución que ascende a 150.000 euros e que vai supoñer unha mellora moi importante no pobo, xa que se actuará en zonas que teñen o asfalto moi deteriorado”.
O edil socialista indicou que “outra das actuacións que sae publicada hoxe no BOP é na mesma liña que a anterior, que é a de mellorar as infraestruturas do pobo. Trátase dunha actuación en beirarrúas que están moi deterioradas e que incluso poden supoñer un problema de seguridade polo estado no que se atopan. Esta obra conta cun presuposto de 40.000 euros e vai supoñer unha mellora importante en varias rúas nas que as beirarrúas presentan un mal estado de conservación”.
Fernández Rey dixo que “estas actuación contan cunha importante axuda da Deputación de Lugo, xa que son financiadas na súa meirande parte polo convenio asinado entre a institución provincial e o Concello, polo que tamén é preceptivo o recoñecemento á Deputación de Lugo e felicitarnos dende o pobo de Burela desta axuda”.
O prazo de presentación de ofertas por parte das empresas interesadas é de 26 días naturais dende a xornada de hoxe e as ofertas poderán presentarse a través do portal de contratación www.leal.gal. A documentación e información sobre estes proxectos está publicada na sede electrónica do Concello de Burela http://burela.sedelectronica.es.
O concelleiro de Obras e Servizos engadiu que “dende o equipo de goberno de Burela entendemos que estas actuacións van mellorar a vida dos veciños e das veciñas do noso pobo e queremos valoralas moi positivamente xa que eran actuacións moi demandadas por veciños e comerciantes”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
