Burela, 30 de decembro de 2016. No Concello celebrouse hoxe un pleno extraordinario no que se aprobaron os orzamentos para o 2017. O alcalde, Alfredo Llano, salientou que aumentan as partidas de investimentos reais en máis dun 50% e asuntos sociais en case un 10%. Estes presupostos ascenden a 7.060.000 euros e saíron adiante cos votos favorables do equipo de goberno.
O rexedor dixo que “este orzamento supón un incremento do 3´1% con respecto ao do ano 2016. Consideramos que son uns orzamentos que agora mesmo melloran moito a situación do noso concello, que están para beneficiar ao conxunto dos veciños de Burela, e que é un bo orzamento dado que trata de responder ás necesidades e aos problemas que pode ter o noso concello durante o ano 2017”.
Alfredo Llano asegurou que “vai ser beneficioso en investimentos reais que soben máis dun 50% con respecto ao ano 2016, situámonos nuns 420.000 euros, o cal significa que derivado destes investimentos reais favoreceremos o emprego, que as empresas se movan e que ao pobo se lle note moito esta circunstancia para mellorar en diferentes ámbitos de forma global para todos os veciños”.
O alcalde burelés relatou que “hai unha cousa que quero destacar ademais dos investimentos, os asuntos sociais onde imos mellorar moito a partida. Sobe case un 10% con respecto ao ano pasado, e iso vai repercutir nunha mellora substancial na axuda no fogar, en teleasistencia, en necesidades urxentes que puideran suceder a algunha familia derivada de falta de pago, necesidade dunha vivenda, etc…”.
Llano subliñou que “por un lado investimos e por outro atendemos ás necesidades máis urxentes da poboación. Pero de todos os xeitos no ámbito do turismo, da cultura, do medio ambiente, do deporte, do mobiliario urbano, do aforro enerxético, todo aquilo que poidamos mellorar aí está presente nos orzamentos”. E engadiu que “tamén vai haber moita subvención e vaise prestar atención aos colectivos, ás asociacións, etc…, sempre pensando na colaboración que estas entidades poden ter co Concello de Burela”.
O rexedor pensa que “este orzamento significa moito para o pobo de Burela, sen embargo tanto o PP como o Bloque, sen argumentar unha cuestión que realmente poderamos ter en conta contra os orzamentos, votaron que non. Saíron para adiante cos votos afirmativos do equipo de goberno. Xa llo dixen no pleno que me parecía un erro moi grande que estes orzamentos que son moi mellorados do exercicio anterior, que van pensados única e exclusivamente para o beneficio do conxunto da poboación de Burela, non foran aprobados por unanimidade. E digo isto porque penso que é unha cousa seria, estes orzamentos nos que está todo traballado e pensado para que todo o mundo se sinta representado”.
Alfredo Llano considerou que “se está traballando ben en todos os aspectos, incluso no do persoal do Concello. Trataremos de seguir empregando o maior número de persoas, hai como mínimo 8 postos de traballo que temos pendentes para poñer aquí no noso concello”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
