Cervo, 30 de decembro 2016. O alcalde de Cervo, Alfonso Villares, e a concelleira de Educación, Dolores García, mantiveron un encontro cos representantes dos colexios de Cervo e San Ciprián, do IES Marqués de Sargadelos e membros das ANPAS de ditos centros. Na xuntanza entregáronlles axudas por un importe total de 7.500 euros para gastos de funcionamento.
Alfonso Villares, anunciou “no Concello de Cervo xuntámonos tanto a delegada municipal de Cultura como eu mesmo cos distintos representantes dos dous colexios de Cervo, o Cervo nº 1, que está en San Ciprián, máis o Cervo, que está na capitalidade do concello, e tamén con representantes do IES Marqués de Sargadelos, que está situado en San Ciprián. Ao mesmo tempo de reunirnos cos responsables destes centros tamén nos xuntamos cos representantes das ANPAS de ditos centros”.
O rexedor cervense explicou que “o motivo foi para trasladarlles as axudas que desde este Concello levamos anos concedendo tanto para as entidades educativas como tamén para as asociacións de pais e de nais. Son unhas axudas de 1.250 euros para cada un deles e en total foron 7.500 euros que o Concello lles traslada para os distintos gastos de funcionamento que teñen esas entidades”.
O alcalde de Cervo lembrou que “estas axudas non se quedan aí, porque son moitas as actuacións que estamos a facer desde o Concello de Cervo nos distintos centros educativos: traballos de mantemento e tamén algunhas obras maiores que reverten no beneficio da comunidade educativa e nunhas mellores instalacións para que os profesores poidan educar en óptimas condicións”.
Villares subliñou que “tanto no colexio de Cervo como no de San Ciprián o Concello está a destinar un conserxe a cada un destes centros para axudar a levar adiante os distintos traballos do día a día para o mantemento de ditos centros”.
O rexedor municipal asegurou que “é unha aposta pola educación que desde o Concello de Cervo levamos tendo durante estes últimos anos e que seguiremos facendo, porque, sen dúbida ningunha, nós consideramos que estamos a falar dun dos piares básicos de calquera sociedade, neste caso da cervense, e desde o Concello, como a administración máis preto de todos nós, non imos en ningún momento descoidar todo o que necesiten estes centros educativos e tamén tanto o persoal docente como os pais e nais dos alumnos que estudan neles”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
