O Presidente da Deputación, Darío Campos, acompañados doutros membros do Goberno Provincial e autoridades da provincia, participou este sábado na concentración na Praza Conde de Fontao, que promove a plataforma “Lugo, non perdas o tren”, para reivindicar melloras nas infraestruturas ferroviarias na provincia de Lugo, e ao mesmo tempo, para evidenciar as carencias desta infraestrutura con respecto a outras Comunidades. Campos Conde acudiu a este acto reivindicativo do “Día da maleta”, cunha maleta na man na que se podía ler “Queremos un tren do s.XXI”.
O Presidente afirmou que os servizos ferroviarios da provincia de Lugo están discriminados con respecto a outras provincias, e demandou ás institucións con responsabilidade neste asunto, que deixen as palabras e que pasen aos feitos. Campos Conde avanzou que coa concentración de hoxe, Lugo pon a primeira pedra para non quedar atrás. Neste senso, avanzou que esta provincia ten que ter as mesmas prestacións ferroviarias que o resto de Comunidades. Por último emprazou a todos os responsables políticos a remar na mesma dirección, “non basta con dicilo, hai que seguir pelexando por isto”, dixo.
Esta plataforma está integrada, entre outros colectivos, pola Federación Provincial de Asociacións de Veciños de Lugo, a Confederación de Empresarios (CEL), o Concello de Lugo, a Deputación Provincial, xunto cos principais sindicatos e os colexios profesionais.
Con este xesto, o Presidente da Deputación, fai súas as reivindicación deste colectivo, que reclama, a chegada do AVE; a posta de marcha do proxecto intermodal, que xa esta feito; trens por Lugo, dende A Coruña; a eliminación dos pasos a nivel na provincia. Tamén demanda paradas de Media Distancia (MD) en todas as estacións, xunto con horarios adecuados ás necesidades dos usuarios. Outras das solicitudes son prezos adecuados, asequibles e competitivos para todos os usuarios; unha vía férrea a Santiago, ou a recuperación dos servizos de mercancías a Lugo. Por último solicitan servizos por León e a Cataluña e País Vasco, e que non se recorten servizos na fin de semana ou festivos.
Lugo conta coas peores conexións ferroviarias de Galicia
Os colectivos remarcan que a provincia de Lugo conta coas peores conexións ferroviarias de Galicia, xa que segundo os datos que manexan, está entre entre as catro ou cinco peores de España, xa quedou fóra da rede de alta velocidade, e nos últimos anos non deixou de perder servizos.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
