Viveiro 29-12-16.O PP de Viveiro non acaba de entender a actitude tan pueril da nosa Alcaldesa a Sra. Loureiro, quen sistemática e reiteradamente se empecina en atacar á Xunta de Galicia menospreciando as súas achegas, en vez de adicarse a xestionar co debido respeto institucional, todos aqueles asuntos relevantes para o noso Concello.
O seu último ataque ó novo Delegado Territorial da Xunta en Lugo pon de manifesto unha vez máis o antes sinalado, ó tempo que evidencia a súa notoria desinformación sobre o tema, ó afirmar que non se lle comunica ó Concello o proceso de adxudicación destas vivendas de protección autonómica cando a Xunta o leva facendo puntualmente en cada un dos tres procesos realizados ata data dende o ano 2012 – o último neste ano 2016 -, ou mesmo cando sinala que a oficina municipal de rehabilitación tramita os expedientes, cando en realidade o único que fai dita oficina é recoller e remitir ditas solicitudes ó IGVS .
Ó PP de Viveiro xa non nos sorprende esta actitude de lamento e enfrentamento permanente coa Xunta, nun intento de tapar a súa escasa xestión e resolución dos problemas dos veciños de Viveiro. Tampouco nos sorprende a súa falta de información sobre os asuntos a tratar e unha proba máis disto témola en que hai uns días reclamaba explicacións á Xunta de Galicia sobre a non concesión dos obradoiros de emprego o noso Concello, resultando que non se lle concederon porque non se completou axeitadamente a documentación requerida.
Dende o PP de Viveiro queremos recomendarlle , polo ben do noso concello, que se informe antes de falar, que practique o respeto institucional – ese que tanto demanda para ela – ,que colabore coa Xunta de Galicia dialogando e negociando todo o que sexa interesante para Viveiro e que se deixe de confrotacións esteriles que non conducen a ningures.
Dende o PP de Viveiro gustaríanos que gastase as súas enerxías noutros temas, coma por exemplo en ter presentado en tempo e forma os Presupostos do 2017 – antes do 31 de decembro de 2016 -, xa que unha vez máis e xa van unhas cuantas dende que gobernan os socialistas, teremos que entrar no 2017 cuns presupostos prorrogados como ocurría noutras ocasións, co que quedan claras as poucas gañas de traballar e a inoperancia da nosa Rexidora tanto no que atañe a resolución de asuntos propios como daqueles que requiren da negociación con outras administracións.
Antonio J. Bouza Rodil
Voceiro PP de Viveiro
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
