Foz a 26-12-2016.- O PSdeG-PSOE de Foz transmite ao Grupo Parlamentario Socialista propostas para ser incluídas dentro das emendas que os deputados socialistas presentaran aos orzamentos da Xunta de Galicia para o 2017.
Desde o PSOE de Foz consideramos necesario que en ditos orzamentos se incluía unha partida orzamentaria de preto de 500.000 euros para o arranxo da estrada LU-151 que vai de Fazouro a San Acisclo. Esta é unha obra moi demandada polos veciños e por todos os que por dita estrada circulan. Cabe recordar que o grupo municipal socialista de Foz fai tempo presentou unha moción neste sentido para seu debate no pleno, sendo esta aprobada.
Por outra banda o proxecto de orzamentos da Xunta contempla unha partida de 50.000 euros para o dragado do porto de Foz, que a todas luces é claramente insuficiente e solicitamos se amplíe a 500.000 euros, non só para o dragado, senón tamén para a dotación de novos pantaláns. A pesares de que o Alcalde de Foz di que recibiu garantía de que esta situación íase corrixir, dende o PSOE creemos necesario emendar os presupostos neste sentido.
Aos socialistas non nos estraña a escasa partida que contempla a Xunta nos orzamentos para o dragado, vista a falta de consideración do PP coa mariña lucense e co pobo de Foz, cando os investimentos previstos pola Xunta para equipamentos pesqueiros na provincia de Lugo é de 90.510 euros, cantidade bastante inferior a das outras provincias como A Coruña ou Pontevedra.
O dragado do porto leva reclamándose dende fai anos por colectivos focenses coma a Cofradía de pescadores, o Clube Náutico, a asociación a Ribeira e por usuarios e propietarios de embarcacións deportivas, xa que impide o desenvolvemento do sector pesqueiro, náutico e recreativo e como consecuencia o crecemento socioeconómico e a creación de emprego.
O grupo municipal socialista- comenta o seu portavoz Chema Linares – leva insistindo na súa necesidade en varios plenos, onde fixemos varias preguntas ao respecto e sempre obtemos as mesmas evasivas do Sr. Alcalde, prometéndoo primeiro para a primavera do 2016 e agora para a do 2017. Esperemos esta vez sexa de verdade.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
