Foz, 26 de decembro de 2016. A secretaria xeral para o Deporte da Xunta de Galicia, Marta Míguez, e o xefe do servizo provincial de Deportes, Manuel Otero, acompañados polo alcalde, Javier Jorge Castiñeira, visitaron este luns as obras de mellora realizadas na pista de pádel do Club de Tenis de Foz, situadas nas instalacións deportivas municipais de Marzán. O investimento ascendeu a 10.000 euros, dos que a Xunta aportou 4.000 euros, outros 4.000 o Concello e o resto o club de tenis.
O alcalde focense explicou que “no día de hoxe tivemos a visita da secretaria xeral para o Deporte da Xunta de Galicia e do xefe de Deportes na provincia de Lugo, que viñeron revisar e ver os traballos do cambio integral da pista de pádel que temos nas instalacións municipais en Marzán, onde están as pistas do Club de Tenis de Foz”.
Javier Castiñeira lembrou que “era unha das infraestruturas que máis nos demandaban os deportistas dedicados á raqueta, posto que as condicións das tres pistas municipais de tenis que hai son moi boas e quedaba a pista de pádel, que estaba antiga e bastante mal”.
O rexedor municipal subliñou que “esta actuación foi grazas a un convenio de colaboración, que eu creo que é como se deben facer as cousas, entre a Xunta de Galicia, o Concello e tamén o esforzo dos membros do Club de Tenis de Foz, aos que lles hai que agradecer non só ese esforzo polo coidado das pistas senón tamén por certos investimentos que están facendo e que redundan ao final na mellora das infraestruturas municipais. Fan uso destas pistas non soamente os membros do club senón todos os focenses ou aquelas outras persoas que queren”.
O alcalde de Foz salientou que “foi un investimento de máis de 10.000 euros, dos que a Xunta puxo 4.000 euros, o Concello outros 4.000 e o club o resto”.
Castiñeira mostrouse “contento porque son pistas que se usan diariamente. Tamén as usan as escolas deportivas municipais na formación a rapaces en pádel. Iso súmase ás instalacións privadas que fan posible que un deporte que a día de hoxe é moi practicado como o pádel poida xogarse no noso concello en mellores condicións que hai uns anos”.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
